看風水借飛星風水催丁遇上問題

首頁

        我公務上既客人，多數都知道我識得風水術數，所以成日問我有關既問題。而有時佢地仲會約我睇風水，想我用風水幫下佢地催財､催文昌或者桃花等，而想我做催丁風水既就比較少。

        不過，最近我有個客，佢結婚已經三年，兩夫婦都無做避孕措施，但都依然膝下尤虛，所以就想我幫佢地催丁。 我覺得責任重大，都驚自己經驗及功夫未夠。本來想搵大師兄匡正問下，但知道大師兄近來都好忙，唔係幾好意思打攪佢。

        呢個時候，梗係搵大師姐白如雪啦！話晒我地年紀相近好多。於是，我就立即約大師姐出黎食飯。順便向佢請教下做催丁風水既方法。

        大師姐話，最緊要搵個玄空飛星風水既「丁神位」，例如風水八運，八白星當令，所以八白星位即「丁神」。而搵到家宅「八白」丁神既位置後，可以做灶(煮食爐)或者放電飯煲都有幫助。

        大師姐仲話，最近都有位師妹既朋友以前曾經小產，醫生話佢想再懷孕都幾困難，所以佢就搵呢位師妹睇風水，師妹用玄空飛星風水幫佢催丁，結果成功幫到佢。

        不過，懷孕數月後，醫生話唔多穩定，唔知能唔能夠順利出世。而呢位師妹再去朋友屋企，睇下風水布局方面，仲有乜野可以做得更好。誰不知，入宅開羅盤研究後，發現外面環境，流年煞位有新地盤。

        另外，原來佢鄰居既單位，兩個月來一直有裝修工程､不斷動土，天拿水化學品味道，更十分攻鼻。

        孕婦屋企四圍都動土，仲動到風水煞位，自然容易流產。師妹自問都唔敢話呢位朋友可以懷孕至生產，可以做既，唯有針對動土煞位，用風水擺設黎化解煞氣。

        例如東方的三煞位動土，就以麒麟呢樣風水擺設黎化解煞氣﹔西方太歲位動土，就用太歲牌幫佢化煞。雖然已經盡量幫佢化解煞氣，但假如動土情況加劇，都唔敢擔保胎兒會安然無恙。

        大師姐想我知道，我地可以借風水幫人催丁，但佢地附近環境既變化，都會影響風水既結果。

風水玄學權威白鶴鳴弟子 方中圓 
        本文刊載日期2017年10月7日

最受歡迎風水用品

,

訂購風水用品專頁