從八字睇朋友係咪貴人(旺唔旺自己)﹖ |
||||||||||||||||||||
|
有首歌ｇｅ歌詞係咁樣：「下雨天總掛念從前∼」，落雨ｇｅ時候係咪真係特別容易令人懷念從前ｇａ呢？ 哈哈哈，話說呢幾日都落住滂沱大雨，早兩日小師妹在車裡面望出窗外，見到ｄ雨水撇埋黎ｇｅ畫面，令到小師妹諗起一個好朋友。呢個朋友仔同小師妹係同學黎，我地大家都有修讀某幾科，所以見見下就識左嘞。有一次撞正有一科（可以稱係得上）係小師妹ｇｅ弱科，朋友仔以前讀過果科，佢知道左之後就主動走黎幫手教我，仲風雨不改幫我補習添！再＋上佢平時一直都好照顧我，所以慢慢我地就成為左好朋友喇。 呢一種朋友，當你遇上困難ｇｅ時候，不用你出聲就已經出現響你面前幫你ｇｅ，小師妹稱之為「貴人朋友」。好慶幸，小師妹都有好幾位呢種「貴人朋友」，講樣野比大家知吖，呢幾位「貴人朋友」ｇｅ日元（命格）好巧合地都係屬於同一個五行ｇａ，只係有ｄ係陰干，有ｄ係陽干。而呢個五行正正就係生旺我命格ｇｅ五行黎ｇｅ！ 每當小師妹同佢地一齊ｇｅ時候都好似特別旺的！例如一齊合作ｇｅ時候，事情都總係發展得特別順利ｇａ！呢種情況大家有無遇過呢？「貴人朋友」ｇｅ理論仲可以引伸為「貴人伴侶」同「貴人上司」等等ｇａ！你地同ｅ＋ｇｅ男（女）朋友響埋一齊之後，事業／學業有無順利左呢？又或者，跟左ｅ＋呢個上司之後，上位ｇｅ機會有無大左呢？
講到呢到，我諗大家都好想知道自己身邊ｇｅ人旺５旺自己、幫５幫到自己ｇａ啦∼ 好啦，ｅ＋就等小師妹教下大家點樣從八字命格當中睇他（她）旺５旺自己、幫５幫到自己啦！
以上列表就清楚講出，如果自己ｇｅ八字命格係甲／乙（木）命，他（她）係壬／癸（水）命，則他（她）會旺自己、幫到自己；如果自己ｇｅ八字命格係丙／丁（火）命，他（她）係甲／乙（木）命，則他（她）會旺自己、幫到自己；如果自己ｇｅ八字命格係戊／己（土）命，他（她）係丙／丁（火） 命，則他（她）會旺自己、幫到自己；如果自己ｇｅ八字命格係庚／辛（金）命，他（她）係戊／己（土）命，則他（她）會旺自己、幫到自己；如果自己ｇｅ八字命格係壬／癸（水）命，他（她）係庚／辛（金）命，則他（她）會旺自己、幫到自己。
白鶴鳴弟子
風水玄學小師妹白如雪
按: 如對八字運程有興趣者，亦可閱讀白鶴鳴先生的八字入門書籍:
《
教你學識算八字》､《
原來八字咁簡單》，各大書局有售，亦可到「白鶴鳴風水精品中心」訂購。
你或許也有興趣瀏覽以下網頁。
歡迎轉載內容，敬請尊重版權，請列明出處及連結「www.hokming.com」，謝謝! |