八字論伴侶-男強定女強－上

大家可能曾經遇過以下呢ｄ情況：小朋友好百厭，經常「一言九頂」(頂撞個頂)，阿爸阿媽教極佢都唔聽話，呢個時候，小朋友通常都會聽到呢一句：「等你返學，畀老師治下你！」。

又或者，男女朋友拍拖初期，有時會聽到屋企人講：「你地剛剛先拍拖，唔好什麼都遷就佢啊，縱慣左ｇｅ話，第時就畀佢食住ga喇」。

所謂「一物治一物」，道理就好似學生返學被老師「管治」，老師被校長「管治」；員工被經理「管治」，經理又被老闆「管治」一樣。「一物治一物」，其實應用響男女感情上面ge話，即係所謂ge「格食格」！

小師姐有個朋友仔，佢ge男朋友對佢好到＋01。佢半夜三更想食糖水，佢男朋友就仆倒去買畀佢；知到佢想睇某某韓國組合ge演唱會，就一早走去排隊買飛。

相反，我個朋友仔，佢對佢男朋友其實好差，呼之則來揮之則去，對佢呼呼喝喝。不過，這樣ge情況維持左兩年，佢男朋友終於忍受唔到，同佢分手。之後小師姐個朋友仔識左第二個男仔，佢個新男友對佢唔多好，從此，個角色就好像掉轉左那樣，被人呼呼喝喝ge，變左係我個朋友仔！

諗諗下，小師姐覺得有d好奇，所以就睇下佢地三個人ge生日係幾時啦，哈哈，畀小師姐發現到原來佢地三個人ge命格就係形成左呢個「格食格」ge奇妙關係。

小師姐個朋友仔屬於丁火命，佢前ge男友屬於辛金命，而現任男友就屬於壬水命。朋友仔係丁火命，因為火剋金的原理，所以前男友就被丁火命ge女朋友食住。

而因為水剋火的原理，所以壬水命ge現任男友就可以食住丁火命ge女朋友。

講到呢度，可能大家會好奇想知道，「咁我ge命格可以食得住邊一種命格ge男／女仔呢？」，小師姐下一篇會教大家「點樣從八字當中睇出男女格食格」。
　

白鶴鳴弟子風水玄學小師姐白如雪

如對八字運程有興趣者，亦可閱讀白鶴鳴先生的八字入門書籍: 《教你幫人算八字》﹑《原來八字咁簡單》，各大書局有售，亦可到「白鶴鳴風水精品中心」訂購。

你或許也有興趣瀏覽以下網頁。

歡迎轉載內容，敬請尊重版權，請列明出處及連結「www.hokming.com」，謝謝!