為甚麼要破自己的風水局

家居風水主頁

        早前，同師傅仔閒談之間，他說了一件有趣的事情。原來他的師傅，即白鶴鳴大師，最新破了一個由自己設計的風水局。

        我聽落覺得有點怪，怎會這樣? 不過，聽師傅仔把來龍去脈說了來，我就覺得都幾有趣味性。

        師傅仔話︰「前年師傅（白鶴鳴大師），幫一個客人的新餐廳看完風水後，替他布了一個風水局，餐廳開業以來，生意 一直不錯，不過，過多幾個月，便租約期滿。餐廳老闆正想找個籍口，希望令業主在續約時加少些租。點知，老闆發覺業主近日係問餐廳附近出現，而且出現了成兩個鐘頭。連續兩日都是這樣。」

        我聽到這裡，覺得奇怪，問︰「個業主想做甚麼呢？」

        師傅仔回答︰「老闆講，個業主係度數餐廳的人流，推算間餐廳生意如何，如果人流好多，就會加好多租。如果佢加一兩倍租，問餐廳生意幾好都唔夠交租了。」

        聽到師傅仔解釋，我就明白了。師傅仔繼續說︰「老闆打電話比白大師，請他想辦法，令到間餐廳風水暫時變差，等這段時間少些客人，業主就數唔到這麼多人，會加少一些租金。 」

        師傅仔話︰『估唔到師傅今日要親手破自己設計既風水局。』

        以前看風水既人，當然想風水好。原來現在業主會這樣觀察租客生意來決定加多少租，並因此引伸出要把做好的風水局拆破，以瞞騙業主的 這種情況。

        我聽了師傅仔說這件趣事，不知道應該好笑定係悲哀，原來做生意，都有好多難處，風水唔好就無生意，風水太好，又怕業主加租。相信除了大集團之外，一般人做生意要想長做長有都不太容易。

鶴鳴文化編輯部