風水口訣
近水一勺能救貧

首頁

        我跟師傅學左好多風水玄學既知識，又係大師兄匡正同埋大師姐白如雪處收到唔少料，所以，我自問風水知識已經算唔錯。而師傅時時講：「凡住宅單位，合乎珠寶線，坐後有靠山，自然大旺人丁，而向首有海，自然財運大旺，事業一帆風順。所以有D背山面海既房屋或者高樓大廈，好多住客都非常發達。」

        師傅講呢個道理，我已經滾瓜爛熟。有一次，有幸跟大師姐白如雪去睇風水。入到屋，大師姐同人講有關間屋既風水，根據我學既風水學理，我都好明白。直至，大師姐叫人係間屋既花園起一個魚池，養九條錦鯉，我就有D疑惑唔明。

        大師姐睇完風水之後，我即刻將我心裡面既疑惑講出黎，我問大師姐：「珠寶線既向，唔係要見到水或海先有用既咩！？乜起大水池都得？」

        大師姐嘆左口氣話：「你真係楂車唔識轉彎。方法係死既，人係生既，而師傅係堂度講既其中一D案例，都有提過水池，你咁都唔記得﹖﹗」當時我真係有D尷尬，因為我真係唔記得。

        大師姐見到我既面色，就話：「算啦，記唔到唔緊要。你記唔記得，師傅曾經講過『近水一勺能救貧』丫！」「有！我記得，有！」大師姐見到我立即有反應，即刻笑笑口同我講：「唔洗咁認真。如果水遠，要大海大湖先有影響力。如果個水好近間屋，就算係一池水都有用。近水一勺能救貧，即係話水唔使大，只要近間屋，都可以旺財。」

        我聽完都好明白：「多謝大師姐，但養九條魚有乜野玄機？」大師姐唔答我，佢淨係話：「自己上網查查喇！」咁，維有靠自己啦！我首先試下搵師傅既網站，所以我係搜查器打「九條魚HOKMING。」同九條魚既風水文章 ，出左好多有關網頁，睇完師傅網站呢D同風水九條魚有關既文章，我就即刻明白晒！

風水玄學權威白鶴鳴弟子——方中圓 
        本文刊載日期2017年5月1日

最受歡迎風水用品

,

訂購風水用品專頁