男人去廁所都講風水﹖

有一次同大師兄匡正食完晚飯，一齊去廁所小個便，去完之後，大師兄問我：「乜你去廁所要揀尿兜嘅咩﹖」

大師兄陰陰咀話：「我見你入到廁所，猶疑左一下，然後望下望下啲尿兜先行過去，仲唔係要揀！？唔會同風水有關卦！」我學風水，揀係要學以致用架啦！我同大師兄解釋：「正話個廁所有六個尿兜，如果企係左面第一個，就無青龍；企係右面第一個就無白虎。

企係左面第二個，就係白虎強而青龍弱，咁咪係白虎欺青龍囉；企係右面第二個，就係白虎弱，青龍強。」大師兄聽到呢度，笑住講：「咁咪啱囉，白虎弱，青龍強，青龍係瑞獸，白虎係猛獸，但你好似企係第四個位喎！」

唏！比大師兄激死，只顧住笑人：「果個位咪就係最好囉！六個位，只有中間果兩個係中間，所以係呢兩個是但揀一個。企靠近左邊，都係白虎強一啲，所以企係右邊果個最好，左邊有三個尿兜，右邊有兩個尿兜，咁就係青龍稍強一啲！」

大師兄笑我會唔會謎信左一啲。我就話：「師傅話，風水用得好，可以生活化，橫掂都學左，點解唔隨時攞嚟用？」但大師兄窒左我一句：「乜啱風水，去得會暢順啲咩！？」

我都窒左一窒，都無諗過呢過問題。不過，橫掂都無人用尿兜，揀一個啱風水嘅位，無問題丫！再番轉頭，我都係咁揀，啱風水，又唔洗比錢，都無蝕低嘅！

＞＞＞｜下一頁｜

風水玄學權威白鶴鳴弟子──方中圓
本文刊載日期2016年8月15日

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　