風水命理
乾隆的八字變化－2
尋日個風水命理故事講到，算命先生話四阿哥俾佢個八字「辛卯、丁酉、庚午、丙子。」係遊娼命。四阿哥聽到之後，問算命先生︰「點解叫遊娼呢?」
個算命先生答︰「喺風水命理，子午卯酉即係東南西北，條命齊晒子午卯酉四個地支，但無一點係土，即係插足無根，東南西北四處走，所以一生注定飄泊，四處為家！」
四阿哥知道個八字如果係女命，結果都會幾悲慘下？但四阿哥係男命，佢自己條命又會係點樣呢？所以四阿哥繼續問︰「如果呢個八字係男命，又會點樣？」
個算命先生又問多樣野︰「睇下佢係乜野出身啦！」四阿哥話︰「乜一個八字，唔同嘅人有唔同嘅睇法咩 ？」算命先生用手指住寫出黎嘅八字，答︰「因為呢個八字好多變化。」
四阿哥諗一下，唔想咁快講出自己嘅身份，就問算算命先生：「如果呢個八字係一個書生呢？」算命先生話︰「個人就非常聰明，會出名，可惜就好酒色，怕最後會潦倒一生。」
即使對風水八字學理，識得唔多既人，都想問點解啦，何況四阿哥睇好多書，識少少玄學，更加對呢類風水命理有興趣，所以即時就佢問點解。
算命先生答︰「八字時辰係傷官星，代表聰明出名。年係財星，辛金劫財蓋頂，卯酉沖破財星，所以八字係無錢既命，所以就怕潦倒一生嘞。」
乾隆聽完之後，當然想問下呢個八字，如果係皇子高官又會點呢？今日時間又到嘞，如果大家相知道個八字如果係高官，又會點樣呢，明日繼續！
本文刊載日期 2016年4月13日
白鶴鳴弟子/方中圓
｜ 1 ｜
2 ｜ 3 ｜ 4 ｜
HK$68
《原來八字咁簡單》是白鶴鳴先生於二零零零年出版的作品，這書圖文並茂，對象為完全不懂玄學的讀者群為主。如果大家對八字有興趣，但又沒有玄學基礎，則最適宜看這本書學八字了。 因為是以非常淺白的方式來教讀者算八字，就像學ABC般容易，由學起八字、大運、流年、形象化地講解五行生剋，這種方法，是作者首創的文筆，就是令讀者學起八字時， 會感到輕鬆易學。如欲購買《原來八字咁簡單》，可致電或蒞臨「白鶴鳴風水精品中」查詢或到各大書局購買。當然，大家亦可以到本公司的網站購買。
歡迎轉載內容，敬請尊重版權，請列明出處及連結「www.hokming.com」，謝謝!