八字命理
小三搶阿大老公的八字

首頁 

        而家個世界無奇不有，我睇過單新聞，話有個小三（即係婚外情人），居然自己走到情人屋企度，向情人老婆挑釁，直情當個阿大無到，而阿大個老公，即係阿三既情人，都無晒符。而尼單新聞，一時之間，亦成為茶餘飯後既城中花邊熱話。

        我同大師兄同埋大師姐白如雪，講起尼單花邊新聞，我記得以前跟師傅學八字既時候，曾經有句八字口訣，係講d咁上下既野，講下講下，我地就研究起八字上黎。

        大師姐睇左手機兩眼，就同我話：「你講既口訣，就應該係尼兩句——『正財藏而偏財透，主妾奪妻權。』」大師姐講完，望望大師兄，大師兄點頭同意：「係尼兩句，應該足以形容果個男人既八字。」

        聽到呢兩句口訣，我都明點解：「八字以正財為正妻，而以偏財為妾侍，如果正財藏係地支度，但係偏財透左出天干，咁樣，妾侍就會見光，同埋會惡個個正妻。

        因為正財收藏，即係正財坐唔正，反而透左出天干既偏財，透左出黎，自然又有地位，又多人識。所以先有呢句口訣『正財藏而偏財透，主妾奪妻權。』」

        以下命例，正財藏地支之內，而天干透出偏財，就應左口訣既「正財藏而偏財透，主妾奪妻權。」如果有咁既八字，收埋小三要諗清楚，因為小三，最後會出黎挑釁阿大，呢個局面，自己攪唔攪得掂啊？
　

風水玄學權威白鶴鳴弟子──方中圓 
        本文刊載日期2017年4月27日

訂購風水用品專頁