大師姐白如雪
論八字有官星未必會做官

首頁 

        我白如雪自小對八字命理好有興趣，因為整個八字命盤可以顯示出人一生ge運勢分佈如何、可以預早知道自己某段時期ge運勢，從而計劃好邊段時間可以靠好運氣乘勝追擊､達成目標。

        學得愈多，睇八字可以睇到ge愈多 。閒時我都會幫朋友仔睇下八字、有d朋仔聽得多、問得多，都對八字愈來愈有興趣。 琴日我同朋友仔afternoon tea，佢趁機話：「我想請教你有關「正官星」哩一粒星，八字有正官星，而正官星又有力ge話，係咪就會做官？」

        我答佢：「梗係唔係啦!! 如果八字官星太過有力，可能會變鬼星添!! 所以官星有力之外，仲要日元有根、有氣先得咖∼!」 佢再問：「咁如果官星有力，日元又有氣哩，咁係咪一定會做官？」。

        我再醒多佢一句：「八字好命，身官有力，又有用神，古時通常都會做官。官係管人ge，除左大官之外，有好多大公司都有管人ge 職位。甚至一d大企業ge董事、總監、總經理，都有可能管幾萬人tim，佢地都好大機會係官身兩強ge八字。總之，唔好執著正官星哩個名詞，以為有正官星就一定做官。高級行政人員，管好多好多人，都算係做官ga。」

        朋友仔聽完我講之後，就畀左頂高帽我戴，佢話：「咁你而家響大公司做，管咁多人，都算係一個官喎，嗯嗯∼咁你八字都應該係官身兩強喇！」。

風水玄學權威白鶴鳴弟子──白如雪 
        本文刊載日期2017年4月21日

訂購風水用品專頁