識得我嘅客人或朋友，大多數都知道我識風水風水八字
，所以好多時會叫我贈兩句。早幾日，有個客問完我今年既財位要擺乜催財後，佢話最近成日響網睇八字既文章，有興趣研究下，仲問左我一個幾冷門既問題。
佢話﹕「我以為一個人嘅八字係由出生果一刻就開始計時辰八字，但最近見到有篇文章話，應該係由出世後吸第一口氣既時間先計時辰八字，咁邊樣先啱呢？」
呢個冷門問題，其實只會影響到d非常接近時辰頭尾出世嘅bb，因為會影響到佢地八字嘅時柱，甚至年月日都唔定。不過其實師傅一早
已話過俾我地聽，所以我即刻就答佢話︰「當然要等BB出世吸第一口氣，先計算八字啦。」點知佢仲問︰「但BB出生果一刻已經有心跳，就係已經有生命，所以BB離開母體果一刻，會唔會用呢一下計八字更有理呢？」
嘩﹗呢個問題差d考起我，好彩我記得係師傅都講過下，所以我都識得回答話︰「BB出世
，離開陰門果一刻，仲係靠緊媽咪既臍帶輸送營養，有d呢個時間仍未識得呼吸，所以果一刻都未可以計八字住。有d仲要等人拍打下先識得喊並開始呼吸，當BB自己可以吸第一口氣，即係BB離開母親身體都可以自己生存嘅時候，先可以計八字。」
佢聽到後，笑笑口咁講︰「以前我問親呢個問題，總係無人解釋得清楚有理，你嘅答案就算最有說服力同合理罅。你跟邊為名師學八字架﹖」
我話我d風水八字相學等全部都跟白鶴鳴老師學嘅。佢聽到後話﹕「你師傅都幾犀利噃，咁佢有無教八字班啊﹗有機會我都想跟佢學下。」我話﹕「我師傅教八字只收私人或小組班，你想學就要打電話去問下d職員啦﹗」我講完就俾張師傅既卡片佢，當佢睇到卡片上印
上師傅既數十本著作書名，即時話﹕「嘩﹗好犀利啊﹗」
其實師傅已經出版124部著作，多到卡片都印唔晒啊﹗
風水玄學權威白鶴鳴弟子/方中圓
2016年5月4日
.jpg)