2018風水之(戊戌年)犯太歲壓祭主人士

        突然想起哩個問題，我就想寫番篇有關既風水文章，講下哩個問題有關既野。不適宜去殯儀館既有乜人﹖其中一種要特別留意一下，就係犯「太歲壓祭主」既人，因為犯「太歲壓祭主」既年份，就不宜去拜祭，而去殯儀館既人，假如要上香，都算係拜祭既一種。

        當日講到哩處，就有位識小小風水玄學既朋友，聽到我講「太歲壓祭主」時，話佢從來未聽過，只係聽過邊過生肖唔適宜去殯儀館，問我點計。我答哩位朋友：「嘩！都幾複雜，唔係兩三句可以講完。」

        個朋友聽到我咁答，就問：「有d乜野方法，可以知道有乜人犯太歲壓祭主。」在場大部份朋友，都好有興趣咁望住我，等我講答案。我答：「其實方法好簡單，年年都有唔同既人犯。例如下年2018狗年有乜野人犯『太歲壓祭主』呢﹖」講到哩到，我就拎部手機睇睇。

        睇完手機之後，我就話：「2018年流年屬狗，戊戌歲次，犯『太歲壓祭主』既人有丁未、丙辰、乙丑、甲戌、癸未、壬辰等年分出世既人。」講完之後，除左識小小風水玄學既呢位朋友之外，其他人都唔係好知係乜。因為香港而家主要係用公元年份。

        我之後將哩d風水曆法既年柱寫出，再加上年柱所代表既近代公元曆之後，佢地先清楚了解：

        「丁未」年出生人士、即係西曆一九六七年出生人士。
        「丙辰」年出生人士、即係西曆一九七六年出生人士。
        「乙丑」年出生人士、即係西曆一九二五年、一九八五年出生人士。
        「甲戌」年出生人士、即係西曆一九三四年、一九九四年出生人士。
        「癸未」年出生人士、即係西曆一九四三年、二零零三年出生人士。
        「壬辰」年出生人士。即係西曆一九五二年、二零一二年出生人士。

        以上六年(丁未、丙辰、乙丑、甲戌、癸未、壬辰)出生人士，以2018年(戊戌歲次)風水擇日黎講，佢地唔可以去殯儀館，或者一些亡人下葬時，唔可以面向棺材坑，要背著棺材坑，最後就行開添啦。如果唔係，犯左「太歲壓祭主」，番屋企隨時會病，嚴重�矕N仲會行衰運添。

        我將以上資料解釋完後，佢地問我點樣用手機查到，我話每一年出既《通勝》，第二頁都有呢資料，好易搵。2018年戊戌年，犯「太歲壓祭主」既人士，要小心啦！

風水玄學權威白鶴鳴弟子/方中圓 
        本文刊載日期2017年7月3日