風水擇日
每一日也有十二生肖所管

最近又試一大班人約埋，飲嘢兼乜都傾一餐。當中有個我以前未見過既朋友嘅朋友，講到風水擇日d嘢。佢話最近幫人擇日，首先同佢揀一d唔犯三娘煞既日子，以免結婚會離婚。之後，就睇通勝，揀番一d適宜結婚嘅日子比佢地。

講完之後，佢仲同大家話三娘煞好重煞氣，所以唔可以揀三娘煞日子。我聽左之後笑左一笑，因為我根本就知道三娘煞係唔緊要嘅，但係師傅講過，人地真係講到「三娘煞」點凶點凶，唔洗駁人地，笑下就算啦！

不過，我就問番呢位朋友：「你幫朋友擇日，有無夾命。風水擇日要擇得好，除日子之外，仲要夾命。」佢就尷尷尬尬咁講：「啊！夾命......有，佢地條命都幾好。」佢咁講，即係唔識啦﹗

我就繼續話：「無論好唔好命，都要夾命。最簡單嘅夾命方法，可以夾十二生肖。」十二生肖唔只係睇運程，仲可以夾命。之後，我就同班朋友講十二生肖夾命嘅方法。

除左命有生肖，日子都有生肖。打開《通勝》，每一日日腳，都會列出果一日干支，而呢啲干支，就已經係暗藏生肖，例如甲子日，就係老鼠日，如果係乙丑日，就係牛日。

例如，凡係屬馬既生肖，老鼠日就係凶日，老虎日就係吉日。只要對風水有少少研究嘅人，我一講，相信已經明白晒。
　

風水玄學權威白鶴鳴弟子方中圓
本文刊載日期2016年8月27日　

白鶴鳴第106部玄學著作

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　