風水八字
八字的落井關
從前研究風水玄學嘅人，大多數手上都會有一本《通勝》，因為
《通勝》記載左好多玄學術數資料。而《通勝》又稱為「包羅萬有」，咁即係有好多好多資料可以比人參考啦。
以前中國係農業社會，嗰時有起事上黎，想搵個醫生都要走到好遠，所以，好多日常生活
嘅事，都係要自己想辦法搞掂，一本「包羅萬有」嘅《通勝》會對佢地好有幫助。
我久唔久都會揭開《通勝》睇睇，最近睇到有一個同井有關嘅關煞，今篇
想同大家講講。研究風水八字都知道，睇八字要有齊出生年月日時等資料，先可以詳細算命。不過，中國算命方法好多，最簡單嘅算命方法只需要知道出生時間已經可以推算到少少命運。例如可以
根據出生時間推算自己命裡所忌，係《通勝》裡頭講到嘅關口或關煞，就算係呢種
算命方法。
係二十六關煞裡頭，有一個關煞叫做《落井關》，大家見到「落井」尼兩個字，可能會諗起「落井下石」呢句成語，不過，其實《通勝》話落井關︰「凡午巳卯申戌時生人，犯此，忌見井泉池塘涌溪。」所以凡係「卯、巳、午、申、戌」呢d時辰出生既人，命中有一d避忌，就係不宜見到「井、泉、池塘、涌溪。」如果見到就唔好行埋去，要快d走開。
《通勝》「落井關」口訣
咁點知道「卯、巳、午、申、戌」呢d時辰即係幾點鐘呢？
而家大家都係用二十四小時嚟記時間，但風水八字就以十二個時辰嚟記時間，「卯、巳、午、申、戌」即係幾點鐘﹖睇睇以下嘅時間比對就知道喇﹗
卯時───上午五時正至上午七時正。
巳時───上午九時正至上午十一時正。
午時───上午十一時正至下午一時正。
申時───下午三時正至下午五時正。
戌時───下午七時正至下午九時正。
小師弟──方中圓
本文刊載日期
2015年10月15日
編者按: 不懂看《通勝》﹖可參考白鶴鳴先生的以下兩本風水命理著作:
(點擊以上書名或書面了解更多).jpg)
___________________________________________________________________
你或許也有興趣瀏覽以下網頁:
|
編輯部按︰
1. 2. 白鶴鳴先生於1983創寫第一部風水書籍《風水隨筆》; 1992創製「風水立極尺」; 1997創製專利發明「」（專利註冊編號：9810409.6）; 於1999年創立玄學網站。現在網站名稱有「www.fengshui.hk、www.fengshui.com.hk、www.fengshui.net.hk、www.風水.hk……。」 3. 編輯部按︰ 師傅仔筆名「匡正」，風水玄學權威白鶴鳴先生的大弟子，追隨白先生研習達三十年（2013年計算），隨白先生實地堪察風水無數，任專業風水命理顧問多年，現為白鶴鳴先生書籍的編輯，www.fengshui.hk師傅仔答番你專欄及師傅仔講場專欄主筆。 白鶴鳴先生已出版的原創著作在2014年已達124部。 |
歡迎轉載內容，敬請尊重版權，請列明出處及連結「www.hokming.com」，謝謝!