風水命理
八字犯了閻王關
我嘅朋友當中有一D係點頭之交，通常由較要好嘅朋友隻拉隻介紹我識，好多時都係想搵我指點下風水或八字。有一次去食野時撞到一位點頭之交既朋友，以前一大班人聚會時佢問過我些少關於風水嘅野。今次佢就拉我坐低一齊食野傾下偈。
佢話以前陪朋友去看面相和八字，佢隨口(唔比錢嗰隻)問個相士可唔可以睇下佢個八字有無大問題，個相士問左佢出生時辰就話佢個八字犯左關煞，要小心d。佢問有乜辦法解救，個相士話凡事小心d啦(人地做生意，你唔比錢 ，人地點會講咁多呢﹗)。因為佢唔想花錢睇八字，所以亦不便再追問。
今次佢問我，八字犯左八字關煞係咪好差？呢個問題好籠統喎，我點答呢！所以我咪問清楚D︰「相士話你犯左乜野八字關煞？」佢答我︰「話我犯左閻王關。」一聽到佢咁答，我就知道係乜野關煞。
佢講果D喺我地研究風水八字既人嚟講，並唔算得係乜野，係屬於入門果D小兒科。佢講果D八字關口，俗稱「小兒關煞」，在通勝亦有記載說:︰**閻王關──凡「七月、八月、九月、十二月」
的「子時、午時、寅時、卯時」生人犯此關，帶「天德、月德」可解！**
通勝亦有記載閻王關如何推算
「小兒關煞」的「閻王關」口訣講，凡七月既子時、寅時、卯時或者午時出生的人，犯「閻王關」，八月、九月、十二月出世既人，都係咁樣計法。後來我睇埋佢個八字，原來真係天德，所以我話佢聽︰「唔使怕，放心，你八字有天德，可以解閻王關嘅關煞。」
查實呢D係小兒關煞，如果條命無天德或者月德，最好執份衣紙，作個福，拜一拜，咁就可以確保無事。仲有，個八字用神有氣，即使八字犯「閻王關」都唔使怕！八字無氣嘅話就大件事D，閻王關嚴重起嚟可能真係會奪命。不過，小兒關煞，成人就唔使怕嘅！
編輯部小師弟──山中七日
本文刊載日期
2015年5月22日
________________________________________________________________________
你或許也有興趣瀏覽以下網頁:
|
編輯部按︰
1. 2. 白鶴鳴先生於1983創寫第一部風水書籍《風水隨筆》; 1992創製「風水立極尺」; 1997創製專利發明「」（專利註冊編號：9810409.6）; 於1999年創立玄學網站。現在網站名稱有「www.fengshui.hk、www.fengshui.com.hk、www.fengshui.net.hk、www.風水.hk……。」 3. 編輯部按︰ 師傅仔筆名「匡正」，風水玄學權威白鶴鳴先生的大弟子，追隨白先生研習達三十年（2013年計算），隨白先生實地堪察風水無數，任專業風水命理顧問多年，現為白鶴鳴先生書籍的編輯，www.fengshui.hk師傅仔答番你專欄及師傅仔講場專欄主筆。 白鶴鳴先生已出版的原創著作在2014年已達124部。 |
歡迎轉載內容，敬請尊重版權，請列明出處及連結「www.hokming.com」，謝謝!