|
近排得閒上網時，唔覺唔覺見到「富豪榜」，咁就睇下「香港十大富豪榜」有邊D人。榜上有兩位姓李嘅富豪，分別排榜首同第二名。根據2015年「福布斯香港富豪榜」顯示，香港第一及第二富貴嘅人係──李嘉誠、李兆基。
其實這兩位李先生，係香港富豪榜已經好多年，所以，香港人對於兩位富豪一D都唔陌生。
上星期同朋友食野吹水，講開香港富豪榜第一同第二都係姓李，其中一位朋友問︰「佢地咁勁，會唔會同風水有關？」我回應說︰「唔洗講，就一定係啦！」
我亦突然間想起，「咦！兩位都係姓李，會唔會有乜玄機﹖既然咁巧合，兩位富豪都係姓李，咁係唔係香港風水特別旺姓李既人﹖」遲D得閒等我試下用白鶴鳴老師教嘅推測法(不離天干地支、八卦五行、飛星易卦等)推測下。
後來見到匡正大師兄，
就捉住佢研究下。我問大師兄香港風水係唔係特別旺姓李。大師兄聽到已經想到我係講緊李嘉誠、李兆基。佢就笑下
，然後反問我「香港」兩個字，有乜野五行係特別突出。我諗左一諗答
佢︰「有木有水。」師兄話:
「o岩o勒！李氏咁旺，係同姓名學有D關係。當然，佢地既住屋風水､家山風水都一定好好。大師兄話:「香字有木，港字有水，而『李』字，上木下水，所以佢地喺香港會特別旺。」
原來計算呢d野，有時唔止要計風水，仲要計埋姓名學，真係千變萬化。對於唔識風水玄學既讀者，等我講多句，話「李」字上木下水，因為下低係兒子既「子」字，「子」係十二地支當中，五行屬水，所以話「李」字上木下水。
2015年香港十大富豪表
編輯部小師弟──山中七日
本文刊載日期 2015年6月13日
______________________________________________________________________________
你或許也有興趣瀏覽以下網頁:
•家居風水--白鶴鳴先生撰稿
•自己動手造風水
•為甚麼要看風水
|
編輯部按︰
1.
白鶴鳴先生於八零年代開始曾在「太空館」及「香港大會堂」作公開演講、撰寫報刊專欄，曾撰稿──《快報》、《新報》、《玉郎電視周刊》、《經濟日報》、《香港電視周刊》、《亞州電視周刊》。
2. 白鶴鳴先生於1983創寫第一部風水書籍《風水隨筆》; 1992創製「風水立極尺」;
1997創製專利發明「」（專利註冊編號：9810409.6）; 於1999年創立玄學網站。現在網站名稱有「www.fengshui.hk、www.fengshui.com.hk、www.fengshui.net.hk、www.風水.hk……。」
3.
編輯部按︰ 師傅仔筆名「匡正」，風水玄學權威白鶴鳴先生的大弟子，追隨白先生研習達三十年（2013年計算），隨白先生實地堪察風水無數，任專業風水命理顧問多年，現為白鶴鳴先生書籍的編輯，www.fengshui.hk師傅仔答番你專欄及師傅仔講場專欄主筆。
白鶴鳴先生已出版的原創著作在2013年已達123部。
|
|