上星期和匡正大師兄行經廟街往停車場，廟街係出名嘅
睇相街，成街都係睇相既地方。其實唔止睇相，呢處檔口嘅仲可以睇相､算八字、占卜、睇風水。
我地搭lift既時候，聽到有位同lift嘅仁兄同朋友講︰「而家d廟街已經無晒以前嘅特色囉！」他的一位朋友問︰「以前廟街有乜野特色？」嗰位仁兄答佢︰「以前廟街同而家一樣，都係睇相，算八字，占卜，風水。但係，以前既擺檔唔同而家，而家一個個檔口仔咁，每個攤檔都搭左個小帳幕，入面都有擺張枱，有盞燈。幾乎每個攤檔都一樣咁款，最多分別係張枱大d或細d，全部攤檔排得好整齊。」嗰位仁兄講到呢到，電梯門打開，佢地就出左lift嘞。
之後大師兄同我講︰「以前廟街真係同而家唔同。果時嘅攤檔，有d淨係響地下鋪塊布，連燈都無，只有一兩張凳仔，要睇相就要靠街燈嘅光！有
d攤檔會加大光燈、有d攤檔有張枱加d摺凳、大多數攤檔都無瓦遮頭，所以落雨就開唔到檔。攤口有大有細，各式其適，都好有特式！仲有，表演唱歌嘅攤位唔同而家，以前呢d攤位會有樂隊仔，而家就變左用卡拉ok､或者一個電
子琴就搞掂晒。以前有人表演唱歌，因為以前d人少節目，所以台下都好多人圍住睇。
廟街除左有兩三檔表演唱歌的攤檔之外，亦係成街擺滿睇相攤檔。果時流行睇相，所以成街都係以睇相為主，不過亦有d攤檔幫人占卜、算八字
，風水方面就只有好少攤檔，但客人都可以約師傅上門睇風水。後來紫微斗數流行，又有攤檔幫人算命和算紫微斗數。又後來，又流行塔羅牌占卜，
咁又多左好多攤檔幫人占塔羅牌嘞。」
聽到大師兄咁講，以前廟街真係多特式好多喎！