上星期在本網站發表了一編文章，內容係講家居風水如果「屋大門小」主旺財。而今次講的題目，同「屋大門小主旺財」內容相反，即係「屋小門大主退財」。
        以上兩句風水口訣，都屬於陽宅風水的口訣，「屋大門小主旺財」的原理，因為可以把氣藏在屋內，不容易漏氣。而「屋小門大主退財」這句風水口訣，看內容自然都估到會同「屋大門小主旺財」相反。
        如果住屋的面積十分細小，則門不宜過大。例如近期開始有樓盤，陸續推出一些十分細小的單位，好似「長實」的新樓盤，嵐山，最細面積既屋係177呎。如果住在這些屋裡面，大門便不可以開得太大，例如開雙扇門則會退財，因為雙扇門，最少都要四尺闊，這便犯了「屋小門大」了。
       家居風水的門小門大，暫時講到這裡，但這題目又令我想起，我去年幫朋友看過一間陽宅的風水，那裡的情況就剛剛係「屋小門大」，但經過我布局後，財運已由蝕錢變賺錢，不過，經過我布局之後，都仲係「屋小門大」。或者你地會奇怪，明明話「屋小門大」係退財，點解我做風水後，仲係「屋小門大」，又點解會旺財？
        而家解釋給你們知，首先，因為我看風水的這一個單位是鋪位，鋪位雖然都屬於陽宅風水，但同家居風水有d唔同，做生意，門口唔怕大，尤其做零售的商鋪，門口更加唔怕大，但一定要開旺門，即大門開在旺位，這樣的話，門愈大便吸財愈多，但如果開衰門，則門愈大吸衰氣愈多。所以大家要記住，家居風水，不宜屋大門小，但商舖風水，只要開旺門，門口就唔怕大了。