家居風水
論床上之吊櫃
可能我年輕､睇風水經驗仲未算好豐富，所以有d風水格局嘅野，我都仲未分
到輕重。不過好彩，有難題嘅時候，
我都可以問師父同大師兄匡正，就係因為成日可以問佢地嘢，我d風水玄學先會有番咁上下。不過見到師父嘅機會比較少d，亦唔敢成日麻煩師父，所以我多數會先搵大師兄問。
早幾日見到大師兄，佢陰陰咀笑咁叫 我︰「方中圓！」我知我以前「山中七日」呢個筆名被人以為係日本名呢件事，大師兄仲想取笑下我，你係大師兄，你要笑就笑到夠啦﹗
不過，我好快都諗到個話題同佢講，等佢唔好掛住笑我。我諗起上星期朋友同我講，話有親友新買間屋睡房已有入牆床架，床頭上方亦裝左個吊櫃，因為張床同個吊櫃好靚､好實用，搵人造應該會好貴，所以想保留番。不過佢以前聽過我話橫梁壓頂風水會好差，所以想問我意見。其實我當時已經答左呢位朋友話﹕「床上有吊櫃即犯橫梁壓頂，最好唔好啦，唔係就要用風水擺陣嚟減低煞氣﹗」
今次見到大師兄，我就將呢件事同佢講，睇下佢會點講，順便學下野。大師兄聽左立即答我話吊櫃煞氣唔算大，跟住就望住我講︰「你無聽師傅講過咩？」
我印象中好似未聽過，不過其實我都唔係好肯定，所以答︰「無卦！」
大師兄繼續講︰「算啦！有無都好，我再講多次啦！橫梁係實心既，煞氣強好多，吊櫃係空心既，煞氣弱好多。所以橫梁壓頂係大凶，「橫櫃」壓頂係小凶。
不過，咁樣講只係從風水格局角度講。
如果個吊櫃裝喺原局或流年風水嘅大煞位(
例如三煞位)，個吊櫃又鑲得唔好嘅話，就怕有機會跌落黎紮親人，咁就另計嘞。
所以如果避免到，最好都係唔好瞓喺吊櫃下底喇。」
原本我以為吊櫃係大煞，原來係風水小煞。但吊櫃裝得唔好，就會好危險，咁即係唔瞓喺吊櫃下底就最安全啦。
小師弟──方中圓
(山中七日已改名方中圓)
本文刊載日期 2015年10月17日
風水瑞獸
麒麟$
438
自古相傳麒麟為瑞獸，護宅增運，不讓陰邪進宅，此外還能擋煞。擺放在大門兩旁，能守大門。
麒麟這瑞獸放在家中， 亦可以提升風水宅運 。有關「開光麒麟」，可致電或涖臨「白鶴鳴風水精品中」查詢或購買。___________________________________________________________________________
你或許也有興趣瀏覽以下網頁:
|
編輯部按︰
1. 2. 白鶴鳴先生於1983創寫第一部風水書籍《風水隨筆》; 1992創製「風水立極尺」; 1997創製專利發明「」（專利註冊編號：9810409.6）; 於1999年創立玄學網站。現在網站名稱有「www.fengshui.hk、www.fengshui.com.hk、www.fengshui.net.hk、www.風水.hk……。」 3. 編輯部按︰ 師傅仔筆名「匡正」，風水玄學權威白鶴鳴先生的大弟子，追隨白先生研習達三十年（2013年計算），隨白先生實地堪察風水無數，任專業風水命理顧問多年，現為白鶴鳴先生書籍的編輯，www.fengshui.hk師傅仔答番你專欄及師傅仔講場專欄主筆。 白鶴鳴先生已出版的原創著作在2013年已達123部。 |
歡迎轉載內容，敬請尊重版權，請列明出處及連結「www.hokming.com」，謝謝!