風水用品

馬上封候的壞兆頭是甚麼

首頁

 
有位朋友，話心急想快d有得升職，問有乜野可以帶下，加強升職運。

呢位朋友做公務員，我就叫佢帶一件加強升職運既風水用品，叫做「馬上封侯(被封侯爵)」。佢問邊度有得買？咁我當然介紹佢到「白鶴鳴風水中心」買啦，既唔會買錯假貨，貨品亦已由白鶴鳴大師正統開光，咁先會有功效。

過左一排，朋友打電話比我話︰「我已經帶緊馬上封侯，但部門內有個同事話，呢件係唔好意頭既野，叫我唔好帶！」

馬上封侯，係古時常用既風水用品，唔算冷門，點會唔好意頭呢﹗﹖我即刻問佢：「點樣唔好意頭呀！？」朋友就話︰「同事話，聽人講，馬上封喉，帶係頸上面，係喉嚨被封，當然唔好啦。」

自古以來，有一件風水吉祥用品，雕刻了一隻馬，上面坐隻猴子，叫「馬上封猴」(有馬上封侯既兆頭)。而家d人，最習慣自由創作，將自古傳落黎既野，自己鍾意點改就點改，令到唔少人誤解正統既吉祥物。例如，朋友既同事，聽到有人講下，就以為呢件 吉祥物會馬上封喉，即係喉嚨被封。

其實，中國講吉祥兆頭既書，包括我師傅寫既書，都有講呢類風水吉祥飾物既兆頭，例如「馬上封猴」既飾物，不嬲都係代表會幫人快d升職升官。」

我怕朋友唔清楚，因為「猴」音同「喉」音差唔多，所以寫出黎等佢睇清楚。 然後我再解釋：「你同事應該聽信一d以訛傳訛既講法，以為你條頸帶住條繩，條繩圍住喉嚨，再吊一隻馬上封猴既飾物，咁帶住就會封喉。但自古以來，都話馬上封猴呢件風水吉祥飾物，會幫人升官。我解釋得都應該清楚啦，咁帶好唔帶好，你決定吧！

你同事就唔帶好 ，因為佢對呢件風水吉祥飾物，已經有負思想，帶左都係負能量。只要你真係相信這種風水飾物，可以為你事業帶來好運，你就繼續啦。如果你信你同事講，咁你都有負思想，你就真係唔好帶﹗」最後，朋友都決定帶，佢話信晒我。

風水吉祥飾物，歷史悠久，我自己就梗係信以前套講法啦，你地呢？

風水玄學權威白鶴鳴弟子方中圓 　

本文刊載日期日期2018年7月19日