太極四像的陽中之陽•陰中之陰
和陽中之陰•陰中之陽

         今次寫既野，對我黎講都算深，係大師姐白如雪比既料。相信大家都知道，我身份低微，上有大師兄匡正，跟住仲有個大師姐，雖然大師姐白如雪對我特別好——成日唔客氣寸我，但寸完我之後都會教識我一�瓥央C

        我深一層，比大師姐寸下，又唔會無左忽肉，咁就可以唔洗錢 有野學到，都幾著數！我仲記得，果日我著到好黑､成隻黑烏鴉咁。大師姐見到我就笑我：「你仲乜著三件頭黑色西裝，夜晚過馬路，一定要打醒精神，如果唔係，一身黑衣打扮，楂車既人實睇唔到。真係做左陰中之陰喎！如果教風水講到陰中之陰，可以搵你做教材。」

        陰陽我就聽得多，「陰中之陰」好似聽過，但又好似知d乜野，所以問大師姐：「乜野係陰中之陰？」大師姐笑我：「你有冇攪錯呀！咁都唔知，你要勤力d啦！」

        所謂寧得罪大師兄，莫得罪大師姐，始終大師姐都係女仔，係我印象當中，得罪男人都唔好得罪女人。所以客客氣氣咁同大師姐請教：「大師姐，我同你地既玄學學識相差太遠啦，梗係有好多野你識而我唔識，我要請教你啦！」

        師傅係課堂上講得真係�琚A呢個世界上，十個人有九個都鍾意人地讚，大師姐即刻笑笑口講：「太極未分陰陽，太極生兩儀，就係陰同陽。兩儀生四象，陽中之陽係太陽、陰中之陰係太陰、陽中之陰係少陰、陰中之陽係少陽。」

        我聽到之後答：「陽中之陽，陰中之陰，陽中之陰，陰中之陽，原來即係四 象﹗」

        呢個時候，一直唔出聲既大師兄就搭訕：「我記得師傅有本書，裡面有一篇講陽中之陽之類既用法（按：原來呢本書叫《搶運旺財小通勝》2011年8月鶴鳴文化出版）。其中一篇就講到間屋既顏色，唔可以完完全全用白色，如果天花板、牆壁、地板都係白色，會令人頭腦唔清醒，自然會做錯野，做錯決定。」

｜ 1 ｜ 2 ｜

風水玄學權威白鶴鳴弟子　方中圓
        本文刊載日期2017年2月16日　

訂購風水用品專頁

首頁