2016風水之犯太歲壓祭主人士

有個朋友成日會問我風水玄學嘅嘢，有日佢問︰「我有個朋友阿爸死左，要去殯儀館。風水呢啲嘢嚟講，係唔係犯太歲嘅生肖都唔可以去殯儀館呢？」

以前推算唔能夠去殯儀館嘅人，同而家有啲風水習俗 唔同。聽大師兄匡正講，以前唔一定係犯太歲嘅人，因為以前殯儀館都用「太歲壓祭主」推算。

每一年都有一啲人犯左太歲壓祭主。聽個名都知道被「太歲」壓住，梗係衰架啦！總之，犯左「太歲壓祭主」嘅人，唔單止唔可以去殯儀館，連上山拜祭都唔適宜。朋友問我有乜人會犯太歲壓祭主，我即刻攞部智能手機出黎搵資料，好快就搵到講佢聽。我以為佢會寫低，或者打落個電話度，點知仲簡單，攞部手機錄音就掂。

２０１６年有邊d人犯太歲壓祭主？而家話比大家聽。

「乙巳」年出生人士、即係西曆一九六五年出生人士。「甲寅」年出生人士、即係西曆一九七四年出生人士。

「癸亥」年出生人士、即係西曆一九二三年、一九八三年出生人士。

「壬申」年出生人士、即係西曆一九三二年、一九九二年出生人士。

「辛巳」年出生人士、即係西曆一九四一年、二零零一年出生人士。

「庚寅」年出生人士。即係西曆一九五零年、二零一零年出生人士。

以上六年(乙巳、甲寅、癸亥、壬申、辛巳、庚寅)生人，喺2016年(丙申歲)都唔可以去殯儀館，下葬時唔能夠面向棺材坑，要背向或行開。如果唔係，犯左「太歲壓祭主」，番到屋企隨時會病或會行衰運添。

風水玄學權威白鶴鳴弟子/方中圓

本文刊載日期2016年6月27日

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　