風水玄學說冬至開始犯太歲

2017雞年風水

        我成日同大師兄匡正同埋大師姐白如雪一齊去食野，會講到好多話題，一般黎講，每見一次面，食一次野，就已經有足夠內容俾我寫幾篇文章 。其實，大師兄同大師姐肯成日出黎，我都唔介意次次請食飯，不過，有時大師兄係都要爭比錢，整到我都唔好意思，又學野，又免費食餐，好似又食 又拎咁。

        今次同大師兄大師姐食壽司，講到太極衍變的十二消息卦。期間，亦講到陰陽相交既太極子午位。

        大師姐問我﹕「咁你知唔知，下一年犯太歲生肖，佢地 係幾時開始犯太歲？」下一年犯太歲既生肖，嚴重 既有兔雞，而其次有狗、鼠、等。佢地係幾時開始犯太歲？咁簡單既問題都問我，我直情諗都唔洗諗就答到：「立春開始。」

        大師姐戚戚眉頭：「 你肯定﹖」本來我窒左一窒，諗下：「大師姐成日都抛我o架啦！」所以我大膽D答：「係，肯定。」 大師姐好特登咁嘆左口氣：「唉！其實你都無錯既，不過，又唔可以完全咁講。」

        我話：「大師姐，我比較蠢，我唔係好明你講乜野！」大師兄聽到就講：「你師姐意思話，一年之計在於春，但剛才師姐咪同你講過，十二消息卦，卦中咪有陰陽開始，你記得嗎？」

        陰陽開始，始於子午，即是冬至夏至。我突然靈機一觸：「師傅曾經講過，凡重煞，會早過立春先到，甚至乎早過冬至都唔奇。而子午即冬至夏至，我明�苤I」我立即答大師姐：「下一年犯太歲既人，係今年過冬開始犯太歲。」

        大師姐笑住話：「叻仔，終於有所領誤！可以咁講，太歲真正到步，都係以立春計算，不過，係過冬既時候，煞氣會有少少先到，所以如果下年犯 太歲既生肖，都不妨係過左冬之後，就佩帶化解太歲既風水飾物。」

今次真係又學到野，原來犯太歲同風水煞一樣，都會早到。

＞＞＞｜下一頁｜

風水玄學權威白鶴鳴弟子　方中圓 
        本文刊載日期2016年12月20日

訂購風水用品專頁

首頁