風水習俗盂蘭節怕唔怕隨街執錢

        好快就七月節，七月節通常指盂蘭節 ，但其實七月初七既七姐誕，即係牛郎織女一年一次相會既日子亦算七月節。不過，七姐誕而家已經逐漸被人遺忘，俗稱鬼節既盂蘭節，就仲有大把人記得。

        係中國既風水習俗，有d地方以七月十五為鬼節，有些地方就以七月十四為鬼節，例如廣東省就係以七月十四為鬼節 ，即係盂蘭節。

        大師兄話細個果時既盂蘭節， 好多人會係街邊燒衣紙之餘，仲會撒錢，果D雖然只不過係d硬幣，不過執執埋埋，對於細路仔黎講，已經夠買野。

        大師兄話，揀d好多人燒衣紙既街等執錢，山大斬埋有柴。不過，都好大競爭，因為仲會有其他細路仔爭執錢。我就好奇怪，乜鬼節要撒錢既咩！大師兄話撒溪錢係陰錢，撒硬幣係陽錢，兩種都派，陰靈有可能有用，所以古代都會撒銅錢。

        我問大師兄：「撒陽錢，d鬼係唔係真係收到？」大師兄兩眼瞪一瞪：「咁我點知喎！有機會你就了解下喇？」「點了解？」「你有機會撞鬼時候，咪可以了解下囉！」「啋！大師真係丫！」

        不過，大師兄聽過有細路仔執完錢之後就病，但個案唔多。師兄話通常係盂蘭節d人撒錢後執錢，都應該無事。但病緊或時運低既時候，就唔好執錢啦！因為以風水玄學黎講，陰人帶陰氣，陽人時運低，陽氣唔夠，隨時撞上陰氣，就會有病或令運氣更差。

＞＞＞｜上一頁｜

風水玄學權威白鶴鳴弟子──方中圓
本文刊載日期2016年8月4日

你或許也有興趣瀏覽以下網頁:

《農曆7月請風水師看風水是否大忌》

        編輯部按︰白鶴鳴先生於八零年代開始在「太空館」及「香港大會堂」作公開演講、曾撰寫報刊專欄有《快報》、《新報》、《玉郎電視 周刊》、《經濟日報》、《香港電視周刊》、《亞州電視周刊》……。1992年創製「風水立極尺」。1997年創製專利發明「全自動羅盤」 （專利註冊編號：9810409.6）。2013年出版的原創著作已達123部。

訂購風水用品專頁

首頁