有一次，小師姐白如雪考我風水，佢問我有無留意到，好多公司或者廠房，都會做魚池嚟催財。小師姐問個咁簡單既問題，都真係當我係風水初哥，我答︰「有！師傅都曾經講過啦!」
佢再問我知唔知點解養魚催財嘅魚池要用圓形，咁我就無正式諗個呢個問題。以前學風水嘅時候，師傅講，我就聽，但聽左之後，都無諗點解風水催財魚池要用圓
形。而家小師姐咁問，我就真係要諗下。
圓形五行屬金，而養魚嘅水五行當然水啦！咁可能係用圓形即金嚟生水。我將我啱啱諗到嘅既講出嚟，小師姐聽左無答我，所以我追問佢啱唔啱。唔知佢係唔係寸我，佢問︰「答完拿﹖」我話︰
「我剩係諗到咁多咋！」
佢話我只答中一半，仲窒我學風水剩係顧住理氣，唔記得要配合巒頭環境。佢話︰「陽宅前面見水係明堂水､旺財水，巒頭風水嚟講圓形水池係聚水方面，會好過方形水池。」明白了，原來圓形水池係聚財
嘅。
本文刊載日期2016年3月7日
風水玄學權威白鶴鳴弟子/方中圓
＞＞＞｜下一頁｜
訂購風水用品專頁
.jpg)
