家居風水說大肚婆屋企唔好油漆

        尋日話過老友既老婆有左bb，問我有乜野要風水避忌。當時我講左好多屋企有大肚婆風水既避忌。不過諗下諗下，當時我好似都講漏左一d避忌無講，但都唔緊要，因為我叫佢千祈唔好裝修，通常唔裝修，都唔會有事。

         我講漏左乜野風水避忌呢？就係屋企有大肚婆，唔好油漆。我有d老友，老婆有左bb就撥定間房做bb房，個老友又想個bb房靚d，等bb將來住得開心d，就將bb房油過新既油渿，等間房新淨d。佢都算好彩，bb出世都無乜野。

        我師傅曾經講過，屋企有大肚婆，裝修､鑽窿､油漆，都唔一定有事，因為有大部份既人都會唔受影響。等如以前d人用中藥落bb，大部份都落到，但都有少數係落唔到bb架。

        如果屋企有大肚婆，習俗話油漆有可能令到bb有好大塊胎痣，胎痣係個身度仲好d，人地睇唔到，唔會影響觀瞻，但如果胎痣生係塊面度，就大件事，因為會影響個樣，可能會醜樣好多。男嬰仲好少少，女嬰就慘啦，大個女成塊胎痣係面度，邊有男仔追﹖﹗

        不過，而家興整容，有可能將來整得走塊胎痣。總之，係風水角度上，有左bb就千祈唔好多手，係間屋度油漆，費事有影響bb儀容既機會。仲有，如果油漆方位，撞正係風水煞位，bb出現胎痣既機會多好多。

訂購風水用品專頁

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　

首頁