風水中房屋的左輔右弼夾耳

        如果我好耐都未有稿俾白鶴鳴風水中心既編輯部，職員 就會打電話問我，幾時有新風水文章。不過，有時我放下電話後，腦中 都仲會乜野都想唔出。

        後來我發覺，當流月五黃飛到大門 ，剋制我屋企既風水文昌星，就可能會令我無乜靈感，諗唔到有乜風水玄學文章好寫。

        但有時靈感會好多，甚至同一個題目都可以寫幾篇文章。例如上星期睇到大師姐白如雪一篇《睡床有床頭櫃才合家居風水》，就令我想起以前一件事，於是就寫左尋日呢篇《公司辦公室風水要左輔右弼》。今日繼續講風水既「 左輔右弼」，另外再講多一樣野——「夾耳」。

        古代房屋既設計，除要堅固之外，仲要顧及風水。 而古代唔少房屋，建築設計都會配合「左輔」及「右弼」位既風水規格。

        風水論左輔右弼，就等如一個貴人､助手或部下。所以，房屋加上「左輔」及「右弼」，可以令家人有貴人、有部下，令到事業及工作，俱可以順利發展。

        房屋左輔右弼，並非指青龍白虎砂。房屋屋頂既橫梁兩頭 ，即房屋既「左方」及「右方」位置，如果特別再加磚塊，呢兩頭夾著左右橫樑既磚塊，即是「左輔」及「右弼」，因為佢地看似巒頭風水既夾山，所以房屋左右兩方屋頂既磚，又叫做夾耳山。

        可能我表達能力唔夠好，大家睇下圖，就會易明好多。