家居風水

鐵樹的名稱五行金能剋木，木旺金缺

        最近有個朋友打算種鐵樹，問我好唔好？而我記得聽師傅講係唔好既！最近見到匡正大師兄，就幫朋友問下鐵樹開花好唔好。

        大師兄講︰「種鐵樹要小心，如果鐵樹開花，大部份都會唔多好。有d人種鐵樹種左拾幾年都唔開花。但有d人一種鐵樹，唔夠一年就開花。
雖然有傳說話鐵樹開花，富貴榮華，不過，師傅話鐵樹開花後富貴案例甚少，反而鐵樹開花而行衰運就有好多。」

        我問大師兄，鐵樹開花會衰乜野？大師兄答︰「乜野都有可能，可能破財、可能有白事、可能有意外、可能有血光、可能工作被人辭退……。 」

        點解鐵樹開花會咁呢？大師兄話︰「聽師傅講過，幫人睇風水時見到人地種鐵樹，通常都唔建議d客人種，如果客人為左喜愛，就無辦法。不過，師 傅都會提醒客人，萬一鐵樹開花，要立即睇風水，因為可能風水出左問題。

        師傅話有客人棵鐵樹開花>後，搵師傅跟跟風水時，原來對面山頭不遠處建築電纜塔，即是家居風水動土兼犯形煞。類似事例仲有唔少，第日有時間再講。而鐵樹個名其實都有問題，樹五行屬木，而鐵五行屬金，鐵樹名稱，本來就係金剋木，所以鐵樹開花，情況變成金能剋木，木旺金缺。」

        聽左大師兄講鐵樹開花後，我都上網搜尋下鐵樹開花，點知都見到討論區有人話鐵樹開花而行衰運。有一網友話，家宅種鐵樹(當風水樹黎種)， 初初幾年平安無事，有一年鐵樹開花，就呢一年既年底，忽然破產，由天堂跌落谷底，仲話見到鐵樹就驚。

        又有一位網友話種開鐵樹，本來運氣都幾順，但係有一年連開四次花，公司生意、人緣、個人健康、財運都愈來愈差，真係邪到無人有。 不過，大師兄講如果係水命人，就好大機會無事，或者風水理氣水星飛到，亦會無事。

•鐵樹開花會富貴或會變衰﹖

風水玄學權威白鶴鳴弟子　方中圓
        本文刊載日期2017年2月20日

訂購風水用品專頁

首頁