而家風水玄學十分流行，好多人都會知少少，就算普通人，聽得多了，有需要問有關風水問題既時候，都會問得叻左。

而近來，有位老友，他代朋友問我一個問題，他說︰「我朋友叫我問一問你， 養風水魚係唔係要有話要養幾多條魚數，先合風水規定 ，先會旺財﹖」

老友這位朋友，我都見過，其實佢以前都好似問過我一些類似既問題。

我話︰「養一條啦！」但老友繼續問︰「只係養一條﹖如果想養多�攭O？」想養多�齱A都係跟番個數，我咪同老友講︰「咁叫佢養十一條或者二十一條啦。」

其實匡正大師兄都話過，養金魚既數目，唔同既風水派別，有唔同既睇法。大師兄都有風水文章講過，養魚數目，可以根據風水五行去配合。而風水五行，河洛理數，則各有不同。

養魚會以「水」為主，所以五行喜歡「金、水」數。 河圖以「一、四、六、九」四個數目字為金水數；洛書就話「一、六、七」三個數目字屬金水數。

大家看河洛理數，其中既「一」同「六」數，就係共通既，所以用「一」同「六」數係最穩陣既，一定唔會出錯。

或者有人會問，咁點解我叫佢用一數，而唔用六數？因為我又想加倍穩陣，風水以單數屬於陽數，雙數屬於陰數，以陽數相對吉利論，所以用「一」數。

講到尼度，大家應該都明我點解叫果位仁兄養「一條、十一條、廿一條啦﹖」既魚數啦！