小兒查花根就係算八字—下

其實查花根咪即係算八字，即係用八字算命，點解唔叫做小兒八字算命，要叫做『小兒查花根』呢？話說我冤住大師兄，叫佢解釋。大師兄話︰「你不如問下小師妹丫！」我聽到即刻話:「咪啦，小師妹白如雪成日窒我。」大師兄就話︰「唔怕！師傅話，三人行，必有我師，你都梗有D野叻過小師妹嘅！」
　

不過，後來大師兄都解釋咗俾我聽，佢話︰「小兒查花根，係以前坊間市民流行嘅名稱！

        八字年柱，屬於根、
        八字月柱，屬於苗、
        八字日柱，屬於花、
        八字時柱、屬於果。
　

所以八字四柱，又叫做根苗花果。八字以年為君，日為主，兩者都十分重要，所以攞年既『根』同日嘅『花』代替八字既名稱，所以就簡稱為小兒查花根。」
　

其實查花根，唔一定係小兒，成人都可以架，當然，成人就唔可以叫做『小兒查花根』，只係簡單D叫做『查花根』就得啦！」我聽完之後，梗順便擦下大師兄鞋啦。大師兄就話︰「都係師傅嘅風水術數造詣深不可測，見識廣博，咁先教到我地呢d高徒出黎遮。」如果師傅係度，聽到大師兄咁講，一定好開心。

風水玄學權威白鶴鳴弟子/方中圓
2016年5月30日

＞＞＞｜上一頁｜

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　