八字身強要減肥才有好運行﹖

八字身強要減肥才有好運行﹖

八字命理

有睇呢個風水網站嘅讀者，都見到我一有機會就會問大師兄同大師姐白如雪風水玄學嘅嘢，我亦因為咁學咗唔少野。

最近見到大師姐，又聽佢講左一d同風水命理有關既事，都幾得意，所以我就寫出黎話埋俾大家聽。

大師姐話有人問：「我有朋友佢同我批過命，話我八字係身強格，一定要減肥先有運行，仲話如果唔減肥，就一世唔洗指意發達。咁如果減唔到肥，會唔會一直都運氣差？！」

當時我聽到都覺得好有趣，問大師姐咁既道理。佢望住我，笑笑口話：「你學左咁耐，都無真正了解過風水命理。點解身強要減肥先？」我點會識呢﹖唯有應衰叫佢教下我。

大師姐答：「八字身強身弱，係指日干既五行，係強定係弱。而八字理論，強者宜損抑、弱者宜生扶。身強即是本身就好強，d人以為身強，
即係身體肥胖，所以如果減肥，咁個身就無咁強，話咁先合乎八字原理喎！」

原來「八字身強要減肥才有好運行」係咁解！身強要減肥既話，咁身弱咪要增肥﹖聽日再同大家講埋下文。

風水玄學權威白鶴鳴弟子方中圓
本文刊載日期2016年10月25日

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　