風水八字
八字喜水宜飲冰﹖

        我地呢d識風水八字��人，好多時都會頗受歡迎。貪心係人 �鴾悕吽A記得我未學風水八字之前，一聽到有人話識風水八字，都會黐埋去問幾句，因為可以免費得到d著數。而家睇番轉頭，果時d所謂識風水八字既人，好多都係途聽途說，亂嗡一通。
　

        最近，有個公司業務上既客人話佢係廟街比人算過八字，話佢條命喜水，叫佢記得多d食雪條食雪糕飲凍野等，話會特別旺佢。
　

        有關呢d野，我以前都聽唔少，又聽過師傅及匡正大師兄講過，所以我都知道點解。我就問我個朋友︰「佢有無叫你食乜野雪條雪糕呀？！」係我預計之內，朋友真係問我︰「乜食乜野雪條雪糕都有分既咩？！」
　

        我話﹕「咁就梗係喇，你條命喜水，最好食白色或者黑色既雪條雪糕，例如牛奶雪條雪糕、黑芝麻雪條雪糕、椰子雪條雪糕等等。」個朋友聽左之後問我點解︰「你話個算命先生同你算八字既時候，話你條命喜水，所以要食雪條雪糕先會旺嘛！而黑色屬水，白色屬金，兩者都可以令到水更旺，所以咪要食呢兩隻雪條雪糕，先真係可以轉運�苤C」
　

        個朋友聽完我講，信到十足十。唉！其實我係窒佢先真。論五行，確係凍野五行屬水，但講到身體健康，無論中醫西醫，都唔建議食凍野，因為會影響身體機能運作。咁簡單既道理都唔識﹖好多時，我地研究風水八字，都會對中醫有少少認識，因為中醫都係講究五行八卦的學術。
　

        大家記住啦！如果有人同你地睇八字，話你條命食雪條雪糕會行好運，呢種喧眾取寵的說話，聽左就算，唔好真係實行啊﹗

本文刊載日期2016年5月2日

風水玄學權威白鶴鳴弟子/方中圓

白鶴鳴風水命理著作

第86部

《原來八字咁簡單》