2019豬年屬於風水八字曆法甚麼年？

上星期我講過2018狗年屬風水八字曆法乜嘢年份，今日就講埋2019年屬風水曆法乜嘢年啦。以2019年十二嘅生肖嚟講，呢年屬豬年，風水玄學曆法就屬於己亥歲次。

以風水曆法論，當然唔只講「己亥歲次」咁簡單啦﹗　 2019年「己亥」歲，天干「己土」，地支則「亥水」，納音五行屬「木」。2019年十二生肖屬於「豬」，因為天干五行屬於「土」，所以呢一隻豬屬於「土豬」。

至於流年風水論，玄空飛星嘅紫白九星，今年嘅年星八白星飛入中宮。西南方有災厄星所飛到，所以西南方屬於大凶嘅運滯位，緊記今年書臺唔好擺呢處，亦唔好將睡床放呢處，否則運氣會一落千丈。

2019年風水曆法，會以立春日開始計算，直到2020年立春日之前一日結速。而喺西曆嚟講，2019年2月4日開始至2020年2月3日都屬豬年己亥歲次。

因為呢年農曆正月初一日至於十二月三十日大除夕，都遇唔到「立春」節 (「立春」屬於二十四節氣嘅開始)，所謂「蛇無頭不行」，所以古人將呢d全年遇唔到「立春」節嘅年犯叫做盲年，咁當然呢年就唔適宜結婚啦﹗不過如果識得擇一個合新郎﹑新娘嘅大吉日，咁就唔怕盲年結婚啦﹗

風水玄學權威白鶴鳴弟子/方中圓

文刊載日期2016年6月13

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　