2017鬼星入門招鬼的一個個案

【首頁】

【 2018狗年風水專頁】

中國有一本名著，叫做《聊齋誌異》，《聊齋誌異》之中，記錄了很多靈異故事，而我有一次，同大師兄匡正及大師姐白如雪吃東西時，聽到大師姐講一件事，大師姐講開《聊齋誌異》書，有一個故事叫做《畫皮》。

大師姐開玩笑話，現代的化粧技巧，可以十分驚人，曾經係youtube看到一個韓國女仔化粧前及化粧後，化粧前──豆豉眼、單眼皮、無眉毛、厚咀唇……，在化粧後──大眼妹、雙眼皮、眉毛劃得很好看、咀唇薄左好多好多。

我就搭訕：「係唔係──化粧前，嚇死人、化粧後，引死人﹖」大師姐笑我：「你講野為何這麼俗！」

我話﹕「這些是香港俗語喎！」大師姐唔理我，繼續講：「中國古代既化粧術應該都好利害！」

「係？」大師姐看著我講：「你睇《畫皮》個故事，老公係半夜，見到無眼耳口鼻既老婆，嚇到失魂，我就懷疑他老婆係豆豉眼、無眉毛，扁鼻、咀唇超薄，所以係半夜睇唔清眼耳口鼻，但一經化粧，就立即變左個美女。」

我聽左後問：「係唔係真架！？」而大師兄匡正就接住講：「你不用太認真，白如雪這些咁富趣味性既說話，聽左就算啦。」

我對於鬼神，在信與不信之間，但學左風水之後，師傅白鶴鳴大師說，風水本來不是用來看房屋有沒有鬼，而是先講丁運和財運，跟住既文昌、名譽、人緣、貴人……等等，就次一步先研究。

不過，凡有陰靈的屋，十居其九，都是可以從風水上看出來，例如一些屋，坐向騎縫或陰星入宅，都會容易有鬼入宅的。陰星入宅的風水個案，我也有少少。

2017流年風水五黃星飛到南方，五黃屬於陰星，陰氣甚強。而我去年看過一公司風水，就可列為案例，他工作的公司大門，就開在南位，在年中時候，有同事懷疑見鬼。話說下班後，公司的燈大都熄了，除了要加班的部門，就只有這個部門亮燈。
因為公司很大，所以有亮燈的部門，會穩約看見熄了燈的那些部門。

而有幾位同事，在OT時，見熄燈部門像有人，而這些同事，工作了一會，還看見有人在熄燈部門，所以好奇，想走去問問，點解OT都唔開燈。

誰不知向熄燈部門行左幾步，那個人突然消失了。如果只有一個同事遇到這種事，就當佢係眼花，但有幾位同事都見過，所以這位客人，都覺得公司有陰靈，問我應該怎化解。
　

記得師傅講過這種風水問題，應該點布局。我便照樣教客人：

第一 先拜四角（旺五土）。

第二 在公司找個位，安奉「宅上仙人」。

第三 這年大門陰星到，即是只有這年公司有陰靈出現。可以不理會，下年便沒事了。或者可以在大門擺放一些風水用品，例如銅製辟邪神獸。

我和這位客人傾談的時候，都接近年尾，其實，化唔化解，都唔係好重要，因為都就快過去啦！
　

俗語常說：「唔怕生壞命，最怕改壞名」。
如果你自覺命途多阻、運氣不濟，希望改進日後的運程……
如果你剛為人父母，望日後子女成為人中龍鳳、運程亨通；
你都可以藉著改名來增強自己的運氣，
可致電我們 ～ 預約白鶴鳴大師
查詢電話﹕（852）2388 6878

最受歡迎風水用品

,

訂購風水用品專頁