剛剛放完個幾星期大假返香港，同一眾老友去飲野時，可能係接近年尾，佢地都有問我香港2016風水好唔好。既然大家咁問，我就用師傅教我嘅方法推算一下。
2016猴年係丙申年，係2016年2月4日酉時交二十四節的「立春」。農曆就係十二月廿六日交立春。我地研究風水玄學，會以「立春」節令個日定作新一年
嘅開始。交立春的四課係「丙申、庚寅、丙辰、丁酉。」，犯左「寅申相沖」，寅係「驛馬」，「寅申相沖」即係沖動驛馬，所以世界各地出外嘅人會多左，香港特首會忙好多，世國各國高官都一樣，會為左外交，時時要去國外開會。
2016猴年官星入墓，七殺在申，寅申相沖，當然會沖動七殺，今年想要世界和平都幾難。歐美國家不斷受恐怖組織威脅，自然有排煩，就算香港呢個彈丸之地，相要安寧都怕要發夢先有。唔同政黨間之爭，政黨與官員之爭，必定令香港永無寧日。
想香港地運好，政府必須改改處事作風，啱大眾利益嘅就要放膽去做，唔好船頭驚鬼船尾驚賊，乜都唔敢做，乜都做唔成，否則香港就實有排無運行啦。
風水玄學權威白鶴鳴弟子／方中圓
30-12-2015
.jpg){kind=small}
