首頁

有關「關煞」，我細細個，已經聽老人家講過，只不過，當時我年紀太細，對玄學､風水等，仲未提起興趣。但聽過有 人講阿邊個個仔，犯「四柱關」、阿邊個個女，犯「浴盆關」……，所以對《通勝》所講既關煞，當時已有D印象。

呢D「關煞」，又叫「小兒關煞」，因為嬰孩的抵抗力、應變力及危機意識等，都不及大人，所以特別容易出意外，特別犯「關煞」既嬰孩。

時至今日，我跟白鶴鳴大師學風水玄學已經 咁多年，《通勝》既內容，都識得七七八八，對於各項關煞，當然唔會唔識啦。今日我揀「關煞」當中既「浴盆關」，同各位講解下。

「浴盆關」這個關煞，《通勝》咁樣記載：

「浴盆關──凡正二三月申時生人，犯此忌沐浴太早。」

據《通勝》所講，凡嬰兒在農曆正月或二月或三月既申時出生，就會犯「浴盆關」。申時是下午三點至五點。

如果嬰兒犯「浴盆關」，《通勝》註腳話，不宜「沐浴太早。」呢句沐浴太早，讀者們或會唔明何解。通常BB一出世，第一件事，當然會剪臍帶及沐浴，因為BB肚臍所連著殘餘既臍帶，要約一個星期先會甩掉，所以呢個星期幫BB沐浴要十分小心，尤其要避免弄濕臍帶。

中國習俗，其中一種同BB有關，叫做「洗三」。「洗三」儀式——在BB出生後第三日，用艾草煮水給BB沐浴，親朋戚友會送來金銀錢幣放在盆邊，取其意頭，祝嬰兒一生財寶充足，咁樣放財寶在盆邊，叫做「添盆」。

另外，沐浴後，取一些蔥，輕輕在嬰兒身上拍三下，講下吉祥既說話，例如「讀書聰明、生活富足、長命百歲」等等。最後，就會用到中國人最流行既利是，在場既親朋戚友，都會封利是給嬰兒。

而《通勝》話「浴盆關──凡正二三月申時生人，犯此忌沐浴太早」即是話，犯「浴盆關」就不要在BB出生後第三天，幫BB沐浴､「洗三」，最好等等，例如到了第七天，才取艾草煮水幫嬰兒沐浴。因為，《通勝》註腳話，犯「浴盆關」，如果太早沐浴，恐嬰兒多毛病，例如容易受驚嚇或不適。
　

風水玄學權威白鶴鳴弟子 方中圓 
        本文刊載日期2018年8月2日

你或有興趣下方文章，查看有關《關煞定局》內容。

•關煞定局天狗關及浴盆關

•關煞定局之雷公關及短命關

•八字犯湯火關．會發生甚麼事

•風水八字通勝的和尚關

•風水命理八字犯了天吊關

•論《通勝》關煞定局之下情關及將軍關

白鶴鳴
風水命理著作第124部

《通勝•解密》
HK$98