風水行內有句風水術語：「若要貴，修太歲、若要發，鬥三殺、若要財，修流財、若要官，修官符。」

要修方催吉，一定唔簡單，一定要日子擇得好好，否則，隨時撞板（出意外）。
而公司風水，2018年黎講，能夠同太歲有關，而又配合得好，就可以旺財。

口訣都話：「太歲可坐不可向。」2018狗年，太歲位於西北方既「戌」宮，如果公司係「坐戌向辰」，即是「坐西北向東南」，正確來講，即坐「西北偏西」向「東南偏東」。

2018狗年，旺財星左輔飛到東南位，左輔星為最當旺既飛星，所以東南方風水十分旺。係風水歌訣又話：「太歲可坐不可向，歲破可向不可坐。」所以，由於2018狗年太歲響西北，所以向東南，可以向到旺星，又無犯煞。

仲有，向東南，一定會坐西北，係2018狗年，一白飛星飛到西方北，一白星屬於飛星風水既紫白吉星，坐吉星，自然更吉利。

當然，做生意既老闆，又要付出公司寫字樓既燈油火蠟，又要支付人工，為既當然係賺錢啦！而2018狗年呢一條太歲坐向，剛剛又是-一條好坐向，最好好的公司風水。

不過，有一點要留意，就係公司既前方不可有犯天秤煞，因為見到天秤，即係有動土，歲破十分忌動土，除屋向不可以犯動土煞，就連坐方都不可有動土煞，因為坐方，就係太歲方。

所以雖然話「太歲可坐不可向，歲破可向不可坐。」但兩個方位，都不可以動土，否則，做生意的公司風水，出了問題，老闆們的錢包就好似漏了窿，多多都唔夠退財。