已經接近農曆年尾，好多人都趕住四圍辦年貨，我自己因朋又多兼客人多，所以就上星期已經開始辦年貨。

中國人到年尾辦年貨，不離修飾下間屋，買下新衫新褲新裙、糖果瓜子、利是封……。而我辦既年貨，同一般人所辦既年貨唔同。

我地研究風水，要揀間風水樓，談何容易﹖又要旺山旺向珠寶線，又要後有玄武靠山，前有朱雀朝山，左右又青龍白虎砂，再要開個旺門，邊有咁容易買到。

如果有咁好風水既屋，就算流年風水非常壞，都未必可以動搖其根基，或者連風水用品都唔使放都可以。

不過，呢種風水樓，要搵唔容易，正所謂一命二運三風水，四積陰德五讀書，有次大師姐白如雪講開呢個「一命二運三風水」既話題，令我記起從前師傅白鶴鳴先生都講過﹕「有福德既人，自然會揀到好風水樓。」

如果福德唔夠，可以積陰德，積陰德，即是幫自己或兒孫積福，等大家可以住到非常好風水既風水樓，咁就可以行好運啦﹗

我自問唔夠福氣，揀唔到呢種風水樓，自然有可能會犯流年風水問題。咁有病就要醫病，所以，我到年尾，都會自己睇下流年風水，如果發現來年風水將會有問題，例如2018年北位開大門、或者北位放睡床、爐灶、或者書房等等，我就會預早想好來年既風水布局，旺宅兼化煞。

大門位於北位，2018年要放「安忍水」加最少「一把化煞尺」化解，而我就響2017年年尾，已經預早買定所需既化煞風水用品，我就叫呢項部署做「辦年貨」。

又例如2018年東南位即財神位，如果公司開東南門，公司風水就會旺財；如果家宅開東南門，家居風水就會旺財。但屋企開唔到東南門，都可以響呢個東南財位，擺放旺財瑞獸，例如俗稱既「貔貅」(皮休)，或者「旺財三足神蟾」等等。

要在2018年新年擺放風水用品，要2017年年尾買定先。 所以，我通常到年尾辦既年貨，一定包括風水用品擺設。去邊可以安心辦年貨､造風水﹖到白鶴鳴風水精品中心辦年貨啦﹗

我預祝各位讀者，歡歡喜喜辦年貨，辦到風生水起去過年。