2015流年風水人緣位
我們研究風水嘅人，有時都頗受歡迎。最近去酒樓飲茶，同朋友講下風水，有位部長行埋來，問下︰「咦！你地識得風水？」啲朋友又係度用手指指住我向部長講︰「唔係我地，係佢！」個部長搭訕︰「我嘅人緣運一向唔係幾好，
喺風水上有無辦法攪好啲人緣運？」
嘩！喺正式風水黎講，要睇山水、要睇環境、要睇方位，我點可以詳細咁答到佢﹖所以就對佢講︰「風水要睇好多好多野，好難就咁答到你！」但個部長一頂高帽冚過來說︰「你掂嘅，幫下我啦！是但比而家好啲就得啦！」
佢都咁講，我就想到一個簡單既風水布局擺陣方法教佢︰「要加強人緣運，首先要搵人緣位！」部長好疑惑咁望住我︰「乜野係人緣位？」我話:
「人緣位有幾個，而最簡單既人緣位，係睇流年！今年人緣位在南面，你可以喺2015流年風水人緣位做啲野，增加人緣運。」
我教部長今年人緣位喺南面，南面即係離宮，動物屬馬，你去買一件馬的飾物，放係間屋既南面，可以增強人緣運！」部長話︰「我過兩日放假，立即去搵下先！」不過佢突然又加問一句︰「使唔使擇日？」哎！算啦，幫埋佢擇日啦！點知個部長已經行開左，我都奇怪，我都未答佢，點知無耐，佢攞本《通勝》出黎比我幫佢揀左日子。講到尼到，順便幫白鶴鳴老師賣下廣告，師傅有兩本看《通勝》的工具書，就係《教你查通勝•旺家宅》、《通勝•解密》，我就覺得這兩本書真係學睇《通勝》既天書，如果大家有興趣，可以到書局揭揭這本書睇睇，就知我有無講錯，到現時為止，我都未見到有講得咁詳細既教睇《通勝》工具書。
其實經理都唔使攞本《通勝》出黎，我部智能電話，已經有《通勝》啦！否則，我可能每日都會帶埋老師本《擇日通勝萬年曆》出街添！
編輯部小師弟──山中七日
本文刊載日期
2015年2月28日
________________________________________________________________________
你或許也有興趣瀏覽以下網頁:
|
編輯部按︰
1. 2. 白鶴鳴先生於1983創寫第一部風水書籍《風水隨筆》; 1992創製「風水立極尺」; 1997創製專利發明「」（專利註冊編號：9810409.6）; 於1999年創立玄學網站。現在網站名稱有「www.fengshui.hk、www.fengshui.com.hk、www.fengshui.net.hk、www.風水.hk……。」 3. 編輯部按︰ 師傅仔筆名「匡正」，風水玄學權威白鶴鳴先生的大弟子，追隨白先生研習達三十年（2013年計算），隨白先生實地堪察風水無數，任專業風水命理顧問多年，現為白鶴鳴先生書籍的編輯，www.fengshui.hk師傅仔答番你專欄及師傅仔講場專欄主筆。 白鶴鳴先生已出版的原創著作在2014年已達124部。 |
歡迎轉載內容，敬請尊重版權，請列明出處及連結「www.hokming.com」，謝謝!