風水習俗
2015羊年說赤口
最近一大班豬朋狗友聚埋一齊打邊爐，因為年近歲晚，大家就八下d年尾既野，有朋友話︰「點解要拜年？周圍都咁多人！」有d人話︰「好彩有電話，而家仲有埋whatsapp、微信，真係拜年話咁易。」而其中一個則問我︰「年初三赤口是不是不能拜年？」
呢個問題，好多人都未必知道真正答案。不過，我就心裡有數，因為我一早已問過白鶴鳴老師。當時他反問我︰「點解年初三唔拜得年？」我照正常人答法︰「果日係赤口！」老師又問我︰「點計到年初三係赤口。」
如果而家問我，我就識答，因老師的風水玄學新作《通勝解密》已經講得好清楚！不過，當時我答唔出，要師傅教我。師傅攞左本《通勝》出黎，揭起其中一頁，原來其中有一項是「赤口」資料，內容說到但凡「正月」及「七月」的「初三、初九、十五、廿一、廿七」日都是犯赤口。而「二月」及「八月」的「初二、初八、十四、二十、廿六」日都是犯赤日。《通勝》說呢d犯赤口既日子，不能探訪親朋戚友，如果唔係，就會惹事生非，影響大家感情。
咁我問老師赤口準唔準，師父話赤口和風水無關，亦無五行卦理根據，本來不須理會。不過，
好多人已經習慣左年初三係赤口日，對這日已經心存忌憚，所以即使自己百無禁忌在初三係赤口日去搵親友拜年，佢地或者會有條刺篤住，咁樣就已經係會產生陰氣（即係負能量），咁就多少都會影響運氣。」
既然風水習俗已令好多人習慣左年初三係赤口日，所以，我決定年初三唔拜年，除非朋友講明一d都唔謎信，咁就例外。
編輯部小師弟──山中七日
本文刊載日期
2015年2月20日
________________________________________________________________________
你或許也有興趣瀏覽以下網頁:
|
編輯部按︰
1. 2. 白鶴鳴先生於1983創寫第一部風水書籍《風水隨筆》; 1992創製「風水立極尺」; 1997創製專利發明「」（專利註冊編號：9810409.6）; 於1999年創立玄學網站。現在網站名稱有「www.fengshui.hk、www.fengshui.com.hk、www.fengshui.net.hk、www.風水.hk……。」 3. 編輯部按︰ 師傅仔筆名「匡正」，風水玄學權威白鶴鳴先生的大弟子，追隨白先生研習達三十年（2013年計算），隨白先生實地堪察風水無數，任專業風水命理顧問多年，現為白鶴鳴先生書籍的編輯，www.fengshui.hk師傅仔答番你專欄及師傅仔講場專欄主筆。 白鶴鳴先生已出版的原創著作在2014年已達124部。 |
歡迎轉載內容，敬請尊重版權，請列明出處及連結「www.hokming.com」，謝謝!