| 著作124部•暢銷報刊、玄學專欄資深作家|    風水用品:龍龜麒麟...     |   首創全自動羅盤.立極尺   |
 

風水雜談說兩滴牛眼淚能見鬼

實用風水


        前一排盂蘭節之前,同師姐白如雪傾過下偈,話題都同盂蘭節有關。潮州人好多都會係盂蘭節,搭棚做神勁戲,又請人打下齋,又有一個大鬼王控制場面,等法師打齋派野時,唔洗七國咁亂。而話說果期因為係盂蘭節,所以隨左同師姐講風水之外,都會講下d陰靈有關既問題,我地講講下就講到點樣可以見到鬼。

        我唔係想見到鬼,或者應該話直情係唔想見到鬼添。話時話,如果我真係見到都唔知點算,諗起個心都有d寒。不過,呢類話題總好似好神秘,好多人都會怕怕,但又想八卦聽下,我當然亦係呢類人啦。

        師姐白話,佢聽匡正大師兄講過,以前d人想見到鬼,係有方法既,就係用牛既眼淚搽係眼到,咁就會見到鬼。我聽到,就非常好奇咁問師姐:「咁神奇,係唔係真架﹖」

        師姐話:「我都未講完,傳說滴完牛眼淚之後,成世都會見到鬼,而且無方法解救,無乜野可以做,就算日後想唔見鬼都唔得,邊有人肯試﹖ 」

        我聽到之後都覺得咁做好邪,就同師姐講:「咁就真係唔好亂試啊﹖」 師姐就話:「大師兄都話聽師傅講,千祈唔好試,因為牛眼淚有好多菌,用牛眼淚滴落眼到,見唔到見到鬼都未知,但萬一整親對『靈魂之窗』就大件事啦!」我心諗,咁梗係啦,對眼喎,有事咪一世!

 

風水玄學權威白鶴鳴弟子方中圓
       
本文刊載日期2016年9月19日

 

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!
 

首頁