白鶴鳴風水

|著作125部•暢銷報刊、玄學專欄資深作家|  風水用品:麒麟... | 首創全自動羅盤.立極尺  |

公司辦公室風水要左輔右弼

首頁

 

        有一位客人,我和談完公司業務既野之後,叫我幫下佢睇相贈幾句 ,原來佢聽我公司既同事講過,知道我識風水八字等。

        我識相學及風水後,對我既工作,有唔少幫助。例如,公司咁多同事中,以我同客戶關係特別好,其中一個原因,就係因為我識得風水術數

        原來呢位客人今年三十九歲,佢既左眼尾個妻妾宮位,有長而深既紋,所以會流年不利,再配合個咀唇有粒痣,雖然唔算好大粒,但都影響流年運程

        所以佢今年一定要小心夫妻關係,另外要小心事業運。而客人聽到我咁講,都直接同我講佢今年既情況。原來佢今年已經成日同老婆嘈吵,今年過年後,公司亦真係有好多工作唔順利。最後,佢問我可唔可以幫佢睇下公司風水,我亦應承左。

        我地約實左響星期日,我用私人時間上去幫佢睇風水。去到佢公司,行左一個圈,都未用羅盤格線,都已經見到有一個問題。我問佢間公司搬到呢個寫字樓幾多年,佢話約一年多些。

        於是,我就試下印證下,問佢:「你搬來後,員工係唔係比以前,唔多聽你指令,成做事日陽奉陰違?」而佢諗一諗先答:「你講開又係喎!我平日都無留意添!係唔係因為風水既影響 ﹖」

        我答:「係!因為你間房係公司既角落,無左輔右弼。左輔右弼係兩顆星,專輔助居主。例如紫微斗數既紫微星,最喜歡左輔右弼兩顆星。 左輔右弼等於皇帝身邊既將軍及宰相。皇帝要有輔弼,先顯得夠皇氣。」

        佢聽完,好似唔多明白,於是再問:「我公司點樣先可以有左輔右弼呢﹖」我教佢:「係公司或寫字樓,老闆係唔適宜坐角落既,老闆房左邊有房間,屬於有左輔﹔老闆房右邊有房間, 就屬於右弼。呢種布局,下屬會比較聽話,同客人傾生意,亦會容易傾成功。」

        個客後來就依我既布局設計,將間房搬去隔離,但因為呢間房房門開得衰,我仲教佢改開中門,咁就開到東北門,收八運正神,亦可以收八運八白財星旺氣,大利做生意。」

風水玄學權威白鶴鳴弟子  方中圓 
        本文刊載日期2017年9月8日

 

最受歡迎風水用品

開光風水用品,

 

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!