家居風水
有海有朝案就算係風水屋

首頁

        早排我知道大師姐白如雪幫朋友睇屋，想跟去學大師姐白如雪下野，所以用我最叻既擦鞋功夫，等大師姐肯帶埋我去 。

        入到間屋，大師姐先同朋友傾下偈，飲淡茶､食件曲奇餅，之後就開始幫朋友睇風水。

        呢間屋既風景，我就覺得好唔錯，依家既屋要揀d咁既風景，都唔容易。間屋既窗口位置向前望，首先見到一片大海，再望見馬灣，之後又係海，海之後，仲見到群山，有大嶼山、港島、南丫島等等，應該算風水既 水口砂。

        睇完之後，大師姐既朋友請我地食飯，就係咁樣，我就有餐免費晚餐嘆。食完飯，大師姐個朋友本來話送我地番出去，但大師姐話唔洗客氣，自己番出去九龍就得�苤C

        後來就得大師姐同我單獨兩個人，大師姐問：「今日睇間屋，你覺得風水好唔好？」我話：「坐向係珠寶線， 應該幾好既！」「答中，咁係巒頭黎講有無好處？」我答：「山環水抱，都幾好卦。」大師姐話都算答中，但就追問我仲有無補充。

        我印象中搵唔到第二d野出黎，照直答大師姐：「大師姐，仲有無乜野要就要你指點我。」大師姐話：「乜你唔用腦架，你將上堂d野�奏f出黎用，就會睇到更加多野。你記唔記得，水裡龍神飛向首，雖然旺財，但如果前面個海係一望無際，咁有錢都會走晒啊！所以風水最好有朝案！」

        大師姐講到呢度，我上課學d野，好似番番黎，咁我就話：「即係就算見海都好，要有朝山案山先至係好風水。」大師姐話：「水為財祿，要有關攔先至係好風水，而今日間屋，前面有關攔，風水真係幾好。我朋友搬左入黎，升左職兩次，依家仲想自己搞生意。佢財運都算唔錯架！」

風水擺設用品——正統開光的重要性

風水玄學權威白鶴鳴弟子──方中圓 
        本文刊載日期2017年4月11日

最受歡迎風水用品

,

訂購風水用品專頁