【首頁】

【 2018狗年風水專頁】

中國大陸的電影電視劇，受惠於國內娛樂公司資金雄厚，製作費隨時天文數字，所以，即使香港電視台，都會購買一些大陸劇來香港播放。

雖然在香港播放的大陸劇種，始終有限，但即使香港電影，亦要加上適宜大陸市場既劇種元素，才能令到投資者願意投入大量資金。

不過，因為大陸劇的流行，唔少香港人都開始看大陸電影或大陸電視劇。而有一個系列，叫做「鬼吹燈」，初初我聽見，都唔明點解叫做「鬼吹燈」，所以好好奇，想看看「鬼吹燈」系列的電視電影。

原來主線是講「盜墓者」在「盜墓」的時候，要在墓內的東南方燃點一支蠟燭。所以，盜墓者通常要帶一個風水羅盤來找出東南方。

找到龍穴的位置，就多數可以找到生前富貴者的墓穴。找到了墓穴，當然要進入墓穴偷東西。盜墓者入了墓穴之後，就在墓穴的「東南方」，燃點一支蠟燭，然後看這一支蠟燭有沒有熄滅，如果無，就可以盜取墓穴內的東西，但如果支蠟燭熄減，墓穴內所有東西，一件都不能取走，否則，會出唔到墓穴。

點解出唔到墓穴﹖因為墓穴內既先人，唔想被盜墓者取東西走，所以會吹熄蠟燭，作為一種警告，如果盜墓者仲一意孤行，後果便自負。

或者大家同我一樣會問，墓穴先人怎會真係肯讓盜墓者取走東西﹖不過，俗語講：「講故（故事）不要駁故」。而我反而有興趣了解一下，點解要係東南面點蠟燭，但係，我看既電視電影，內容都無講點解，所以我都找不到答案。

呢件事， 我就想極都唔明，最後，都係要問大師兄匡正或者大師姐白如雪啦！大家唔好以為大師兄同大師姐好得閒，成日等住我問問題。只不過係我將一大堆問題，打落電話度，一有機會，就一次過問大師兄同白如雪大師姐。

有時我都在想，佢地同我食飯，可能會消化不良，因為要分心教我或者答我既問題。而且，都唔係次次由我比錢，有時佢地都會請客。

今次我將「鬼吹燈」的盜墓者，要係東南點蠟燭的問題，問大師兄和大師姐。而大師兄問了我多一些劇情後，就問大師姐：「你肯定答到這個問題吧。」

大師姐講到這裡，我都未明，點樣可以發揮「風」的力量 ，所以就再問清楚，今次大師兄補充：「陰靈並非生人，不可以用口來吹風。要想用靈力吹起風，並不容易，但『巽位』就係『風』位，陰靈可借這個風位，發揮這方位『風』的力量，以便風吹熄蠟燭，來警示盜墓者。」

咁樣，我就終於明白了，想來，寫「鬼吹燈」的作者，可能對風水易經有多少認識，否則，都想唔到「人點燭，鬼吹燈」要在東南方點「蠟燭」，等鬼用靈力以風吹熄蠟燭。

至於鬼吹燈──蠟燭照明，便即是燈。所以，相信不用我講，大家都知道答案啦﹗