起八字以農曆作準定以新曆作準

我成日旁住大師兄匡正同埋師姐白如雪，聽佢地傾偈，我又八下，咁樣我都學唔小嘢。話時話白如雪師姐就快有個人著作出版啦, 佢咁勁, 咁我呢個小師弟, 以後都要改口叫佢大師姐啦﹗

師傅咁忙，我又唔算地位高，所以唔係成日見到師傅。好在可以跟下大師姐白如雪同大師兄，話晒大師兄都跟左師傅三十幾年，睇風水睇風水經驗又多，大師姐又勁到出風水書，跟佢地都已經學到好多野啦﹗

有時，大師兄同大師姐白如雪，會講下風水好深既野，好似父母三般卦，七星打劫秘訣、收山出煞等秘訣。不過佢地唔只講深嘅嘢，有時亦會講下d好淺嘅嘢，但係風水玄學黎講，有時好淺嘅嘢，影響力可以非常大，所以聽聽埋埋，都學到好多有用嘅嘢。

早幾日上風水課前，大師姐白如雪望一望我話：「喂？」聽到大師姐咁問我，我笑口迎迎，立即答：「乜嘢事？師姐。」原來大師姐又想考我。

大師姐口若懸河咁話：「早幾日，有一個客問我起八字係農曆準定係新曆準。原來佢阿爸以前同佢攞出世紙既時候，當農曆係新曆咁報，所以佢身份證同出世紙嘅生日，都係用新曆。」

呢個問題問得好，幾驚師姐問D我唔識嘅問題，咁又會比佢窒到應。我即刻答：「梗係用農曆日子起八字啦！」跟住我在搵多D嘢嚟「實卜」自己，就再補充話：「師傅好似話過，其實出世資料，如果係用農曆寫低，就用農曆起；如果係用新曆寫低，就用新曆起。所以，你個客份證係用新曆登記，應該用新曆起八字卦﹖﹗」

講到呢度，白白淨淨既白如雪師姐同我講：「唔洗咁無信心喎！我只不過問你用農曆定新曆起八字。你答『農曆』同『新曆』咪得囉！不過，你都答中左。因為好多人對於中國風水八字玄學，唔係咁熟識，所以先出咗呢類問題，你繼續將多D文章放係fengshui.hk既網上，等多d讀者知到多d呢方面嘅知識啦。」

大師姐講得無錯，等多d讀者睇下，知多d呢方面知識都好丫。

風水玄學權威白鶴鳴弟子方中圓
本文刊載日期2016年9月27日

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　