八字身弱嘅人想行好運就要增肥﹖

八字身弱嘅人想行好運就要增肥﹖

八字命理

尋日我講到大師姐白如雪講左一件有趣嘅事，內容就同「八字身強要減肥」有關。我聽完佢咁講，突然想起師父教我地，學風水玄學要識得舉一反三，所以就同大師姐講：「咁八字身弱，係唔係要減肥，減得愈多愈好！」

你地諗下大師姐會點答我﹖好簡單，四個字——你都懵嘅﹗我都慣左俾大師姐窒，所以無乜hard feeling。不過，大家諗一諗，身強要減肥，咁身弱咪要增肥囉，合情合理。不過，呢番說話我唔敢講，我客客氣氣咁叫佢解釋一下。

大師姐話：「我都無講八字身強要減肥係O岩嘅，呢個根本就係歪理。八字有好多道理，但有d講出嚟頭頭是道嘅歪理，好多人都會中招，以為魚目係珍珠。

咁講啦！即使八字身弱，但成三百磅，乜都唔洗講，減肥一定有益啦﹗太肥，見到錢都唔願執，仲邊有運行﹖﹗所以師傅成日話──盡信書不如無書，就係咁意思。當然，跟住果句──學識歸來讀好書，更係一絕。

真正識風水命理，占卜相學嘅人，自然會將生活同風水命理，匯會貫通，唔會亂咁嚟。今次講呢件事就係例子。」

我聽完之後，又知道多d風水八字同生活上嘅關係變化。聽完大師姐嘅嚴肅講解之後，我就同佢講其它嘢，講講下，講到近來一d明星嘅八卦傳聞，大師姐聽到好興奮，完全收起師姐嘅風範。不過，呢d唔係今篇嘅內容，而且無無聊聊，所以唔寫啦，拜拜！

風水玄學權威白鶴鳴弟子方中圓
本文刊載日期2016年10月26日

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　