白鶴鳴風水

|著作125部•暢銷報刊、玄學專欄資深作家|  風水用品:麒麟... | 首創全自動羅盤.立極尺  |

八字如果鬼重身輕就容易撞鬼

首頁 


        有舊同事約我飲野,話有位業務上既客人介紹俾我識。原來呢位客人聽我舊同事講,知道我識風水八字呢D野,而呢位客人都學過一D八字, 雖然佢所學既八字好淺,但就好有興趣,所以叫我舊同事約我一齊飲野。

        呢位客人話佢自己好黑仔,成日都會見到鬼,所以夜晚盡量唔出街,避免有機會撞到陰靈。出去旅行,佢都唔想自己一間房,因為佢話自己一個人係酒店間房度,都幾容易比鬼搞。 客人問:「係八字黎講,有無方法睇到乜野人最容易撞鬼﹖」

        我記得師傅曾經教過,有邊幾種八字最容易撞鬼,而例如「鬼重身輕」既八字,就會容易撞鬼。 我答佢:「凡係八字鬼重身輕,就會容易撞鬼!」佢聽左之後,滿面疑惑,再諗左無幾耐,就問我:「乜野叫做鬼重身輕?」

        我答佢:「凡係八字有好多好多七殺,但又無食傷制殺,又無印星化煞,而日元又唔能夠敵煞,呢種八字就叫做鬼重身輕。

        凡係八字鬼重身輕,真係要小D出夜街。去酒店都搵人陪,最好搵D凶神惡殺既人一齊去酒店,因為殺氣大,好多陰靈都會避開下!」

        客人聽左我講之後,話唔多明白,話可唔可以垠八字俾我研究下。我梗係OK無問題例,一來可以多個案例俾我研究下(我對風水八字好有興趣,如果唔係我都唔會跟師傅學喇),二來,佢係我既客人,只要佢開心,我就可能會財源滾滾來啦!

風水玄學權威白鶴鳴弟子──方中圓 
        本文刊載日期2017年5月2日

 

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!